اسلام آباد۔5اگست (اے پی پی):صدرمملکت ڈاکٹر عارف علوی آکھیے جو مقبوضہ کشمیر اچ حالات معمول تے آوݨ تئیں بھارت نال مذاکرات نی تھی سڳدے ، کشمیر دے آزادی تئیں پاکستان اچ کوئی چین نہ ٻہسی ، بھارت دیاں ساریاں سازشاں دے باوجود پاکستان مضبوط تھیندا پئے ۔ اے ڳال اناہں خمیس کوں یوم استحصال دے موقع تے کشمیریاں نال اظہار یکجہتی کیتے کڈھی ڳئی ریلی توں خطاب کریندے ہوئیں آکھی اے ۔ صدر مملکت ڈاکٹر عارف علوی دی قیادت اچ پارلیمنٹ ہائوس توں ڈی چوک تئیں کشمیریاں نال اظہار یکجہتی کیتے ریلی کڈھی ڳئی ۔ ریلی اچ وفاقی وزیر داخلہ شیخ رشید احمد، وفاقی وزیر قانون وانصاف ڈاکٹر بیرسٹر فروغ نسیم ، وزیر اطلاعات و نشریات چوہدری فواد حسین، وزیر خارجہ شاہ محمود قریشی،معاون خصوصی سی ڈی اے امور علی اعوان سودھے ٻئے وفاقی وزرا اتے ارکان پارلیمنٹ دے علاوہ سول سوسائٹی دے نمائندیں شرکت کیتی ۔ ریلی دے موقع تے سائرن وڄائے ڳئن اتے ھک منٹ کیتے چپ کیتی ڳئی۔ ریلی دے شرکا توں خطاب کریندے ہوئیں صدرمملکت ڈاکٹر عارف علوی آکھیے جو اڄ دے ݙینھ توں ݙو سال پہلے جموں و کشمیر دے عوام دا استحصال کیتا ڳیا ۔ بھارت اپݨے آئین دے آرٹیکل 370 اتے 35 اے کوں منسوخ کر ݙتا۔ پاکستان بھارت دے اقدام نال اتفاق نی کریندا ۔ انہاں آکھیے جو ہندوستان دا ٻٹوارا جیڑھے اصول تے تھیا ہئی ایندے نتیجے وچ پاکستان تے بھارت معرض وجود اچ آئے ہن، بھارت کشمیر اچ ایں اصول کوں پامال کیتے۔ ایں اصول دے مطابق مقبوضہ کشمیر پاکستان دا حصہ بݨݨا ہئی ۔ انہاں آکھیے جو کشمیری عوام تے ڈوگرا راج اچ جیڑھے ظلم کیتے ڳئن بھارت انہاں ظلم دا سلسلہ اڄ وی جاری رکھیا ہویا اے ۔
مقبوضہ کشمیر اچ حالات معمول تے آوݨ تئیں بھارت نال مذاکرات نی تھی سڳدے ، صدر مملکت ڈاکٹر عارف علوی
مضمون کا ماخذ : loteria instantânea
متعلقہ مضامین
