اسلام آباد۔15اکتوبر (اے پی پی):وزیر اعظم عمران خان جمعے کوں پاکستان سٹیزن پورٹل دے تحت کاشتکاراں کیتے مخصوص “کسان پورٹل” دا اجرا کرݙتے ۔ ایں سلسلے اچ جمعے کوں اتھاں خصوصی تقریب اچ وزیر اعظم کسان پورٹل دااجرا کیتے ، ایں موقع تے وزیراعظم دے معاون خصوصی نیشنل فوڈ سکیورٹی جمشید اقبال چیمہ وی موجود ہن ۔ پاکستان سٹیزن پورٹل اچ کساناں دے مسئلیں دے ازالے کیتے کوئی مخصوص کٹیگری موجود کائناں ہئی جیں دی وجہ توں انہاں دے مسئلے متعلقہ اداریں تئیں داد رسی کیتے نہ پڄدے ہن ۔وزیر اعظم دے زرعی ترقی کیتے متعین اہداف دے مطابق کساناں دی امداد اتے انہاں دے مسئلیں دا ترجیحی بنیاداں تے حل ممکن بݨاوݨ کیتے کسان پورٹل اہم کردار ادا کریسی ۔ کسان پورٹل دے تحت وفاق اتے صوبائی سطح تے متعلقہ اداریں اچ کل 123 ڈیش بورڈ قائم کرݙتے ڳئن۔
مضمون کا ماخذ : عمومی کلیدی الفاظ
