اسلام آباد۔30ستمبر(اے پی پی)وفاقی وزیر اطلاعات و نشریات چوہدری فواد حسین آکھیے جو ن لیگ اپݨی ذاتی سیاست اتے کاروبار کیتے ملک دشمنی تے آ ڳئی اے، اپݨی کرپشن نال فوج اتے چین کوں تہوں ڄوڑݨ چاہندن جو ایندے نال شایف بچ ونڄن، احسن اقبال پہلے اے فیصلہ تاں کرن جو ن لیگ چلیندا کون پئے؟ پہلے تاں ن لیگ دی قیادت کوں ہک ٻئے دے اعتماد دے ووٹ دی لوڑھ اے، عمران خان کوں اعتماد دے ووت دی صلاح ݙیون احسن اقبال کوں نئیں پھٻدی، وزیراعظم عمران خان کوں پاکستان دی اسمبلی ہی نئیں ملک دے 22 کروڑ عوام ووٹ ݙتے۔ اے ڳالھ انہاں ڈاکٹر نعمان نیازی دی کتاب دی تقریب نال خطاب توں بعد میڈیا نال الیندے آکھی۔ انہاں آکھیا جو پتا نئین کیوں ن لیگ اپݨی کرپشن نال چین کوں جوڑݨ چاہندی اے؟ کرپشن دی تحقیقات تھیسن، سڑکاں دی تعمیر دا تعلق انہاں دی کرپشن نال اے بھل سی پیک منصوبیاں دا ایندے نال کوئی تعلق نئیں، امید اے احسن اقبال اتے ن لیگ اینڄھے رویے توں باز راہسن۔
ن لیگ مقدمیاں توں بچݨ کیتے قومی اداریاں اتے سنڳتی ملکاں دے پچھو لکݨ چاہندی اے، وزیراعظم عمران خان کوں 22 کروڑ عوام چݨیے، وفاقی وزیر اطلاعات چوہدری فواد حسین
مضمون کا ماخذ : غالب افریقہ
متعلقہ مضامین
