اسلام آباد ۔ 25 نومبر (اے پی پی) صدر مملکت ڈاکٹر عارف علوی آکھیے جو بھارتی فسطائی حکومت مقبوضہ جموں کشمیر اچ انسانی حقوق دی سنگین خلاف ورزیاں کریندی پئی اے،کشمیر دی خصوصی حیثیت مکا تے 113 ڈینھ توں سخت کرفیو لاءتے شہری حقوق کھس گھدے گین۔ایوان صدر موجب اے گالھ صدر مملکت عارف علوی قطر امری گارڈدے کمانڈر سٹاف میجر جنرل حزہ بن خلیل بن منصور الشہوانی نال الویندے آکھی جئیں ایوان صدراچ ہک وفد دے رلے انہاں نال ملاقات کیتی۔صدر مملکت مہمان وفد کوں مقبوضہ کشمیر دی صورتحال،بھارتی مظالم اتے کشمیریاں تے پابندیاں بارے تفصیل ڈسائی ۔انہاں زور ڈتا جوقطر سودھا پوری عالمی برادری اقوام متحدہ دی قرارداداں دے مطابق مسئلہ کشمیر دے حل کیتے بھارت تے دباﺅپاوے،مقبوضہو ادی اچ بھارتی مظالم بے نقاب کرنڑ کیتے حکومت پاکستان دیاں کوششاں دی ہر سطح تے حمایت کیتی ونجے تاں جو کشمیری اپنڑا حق خود ارادیت گھن سگن۔صدر ڈوہاں ملکاںو چال تعلقات تے اطمینان کریندے ہوئے قریبی سیاسی، اقتصادی اتے تزویراتی تعلقات بیا تکڑے کرنڑ تے زور ڈتے۔انہاں قطر نال زراعت اتے دفاع دے شعبے اچ گانڈھا ودھاونڑ دی خواہش کیتی۔قطری کمانڈرصدر مملکت ڈاکٹر عارف علوی کوں تلوار تحفے اچ ڈتی۔
صدر مملکت ڈاکٹر عارف علوی نال قطر امری گارڈدے کمانڈر سٹاف میجر جنرل حزہ بن خلیل دی وفددے کٹھے ملاقات
مضمون کا ماخذ : سپر اسپنر
متعلقہ مضامین
