د لنډمهاله وزيراعظم انوار الحق كاكړ په مشرۍ كښې د برېښنا څانګې په اړه د جاج غونډه٬ د نادهندګان په ضد په سمدستي توګه د كاروائۍ كولو امر

اسلام آباد 04 ستمبر (اے پي پي) لنډمهاله وزيرِ اعظم انوار الحق كاكړ وئيلي دي چې حكومت به د برېښنا غلا كوؤنكو په ضد كاروائي كوي٬ د برېښنا د واجباتو نادهندګانو په ضد دې صوبو او قانون نافذ كوٶنكو اداررو سره په ګډه په سمدستي توګه كاروائي پېل كړې شي٬ د نادهندګانو او د برېښنا د غلو په ضد كاروائۍ كښې دې هېڅ ډول رعايت ونه كړې شي، د كوچنو هائيډل پروژو لپاره دې د پوهانو لارښودنې سره منصوبې وړاندې كړې شي۔ د وزيراعظم آفس ميډيا ونګ لخوا د جاري بيان له مخې د ګل په ورځ لنډمهاله وزيراعظم انوار الحق كاكړ په مشرۍ كښې د برېښنا څانګې په اړه د جاج غونډه وشوه۔ په غونډه كښې لنډمهاله وفاقي وزير محمد علي، د وزيراعظم سلاحكار احد خان چيمه او اړوند لوړ پورو ګډون وكړو۔ په دې موقع لنډمهاله وزيراعظم انوار الحق كاكړ ته د برېښنا په څانګه تفصيلي بريفنګ وركړے شو٬ وزيراعظم ته په هېواد كښې د برېښنا مجموعي پيداواري استعداد ، اصل پېداوار او په بېلا بېلو موسمونو كښې د برېښنا د مجموعي ترسيل پحقله خبر كړې شو۔ په غونډه كښې وزيراعظم ته د برېښنا پېداوار بېلا بېلو ذريعو استعمال پحقله هم تفصيلي بريفنګ وركړې شو۔ وزيراعظم ووئيل حكومت به د برېښنا غلو په ضد بشپړه كاروائي كوي٬ د برېښنا په راتلونكي پېداواري منصوبو كښې دې د تجديد وړ او هائيډل ذريعو ته ترجيح وركړې شي۔ ده امر وكړو چې د تقسيم كار كمپنو په زيانونو كښې كمي له دې موثره اقدامات وكړې شي٬ د ټرانسفارمر ميټرنګ منصوبې اطلاق لپاره دې جامع لائځه وړاندې كړې شي۔ وزيراعظم ووئيل د سكرو د لارې برېښنا لپاره دې د درآمدي سكرو په ځايې سكرو ته ترجيح وركړې شي٬ د 2400 مېګاٶاټ لمر برېښنا منصوبو جوړول دې زر تر زره پېل كړې شي او د دې عمل سپېځلتيا دې باوري كړې شي۔ ده ووئيل حكومت به د برېښنا د ګرځېنده قرضې كمي لپاره هر ډول ممكنه اقدامات كوي۔ غونډه په هېواد كښې د برېښنا د انرجي ماركيټ جوړولو د پېشرفت نه هم خبر كړې شوه۔ غونډې ته ووئيل شول چې انرجي ماركيټ جوړېدو سره به د برېښنا د څانګې استعداد او كاركردګي كښې لا اضافه وشي چې ورسره به 2 كروړه 70 لكه كورني صارفينو ته ګټه ورسي۔ وزيراعظم ووئيل په دې لړ كښې د پاور ډويژن زياتره كاروائۍ بشپړه دي۔ غونډې ته ګرد هېواد كښې د برېښنا نظام د زيانونو او د وصولېدونكي رقم په اړه هم بريفنګ وركړې شو٬ د دې نه علاوه ګرد هېواد كښې په تقسيم كار كمپنو كښې د وصوليو د زيانونو٬ د برېښنا د غلا اعشاريې وړاندې كړې شوې۔ وزيراعظم امر وكړو چې د برېښنا غلا كوٶنكو عناصرو په ضد دې كاروائي پېل كړې شي او د دې د پېشرفت پحقله دې د ورځې ورځې رپورټ وړاندې كړې شي۔