اسلام آباد۔5 ستمبر(اے پی پی) د بشري حقونو نګران وفاقي وزير خليل جارج وئيلي دي په ټولنه كښې د خرابۍ بنيادي سبب زمونږ خپلو مذهبي تعليماتو څخه لرې پاتې كېدل دي٬ د خپلو مذهبي رواياتو ترك كولو له امله زمونږ كورنې ژوند زياتې كمزورې شوې دې٬ كه مونږ په ټولنه كښې بهتري راوستل غواړي نو مونږ له به د خپلو كورونو څخه د برابرۍ او مساوات اصول خپلول وي ٬ آزادي لويې نعمت دے ٬ ددې په قدر هر څوك نه پوهېږي ٬ د دې قدر دې د مقبوضه كشمير او فلسطين اولس څخه وپوښتلې شي۔ نن وخت راغلې چې مونږ ټول يو موتې شوو ٬ د جومات ٬ مندر او چرچ څخه يو پېغام رامخے ته شي۔ د دې خيالاتو څرګندونه ده په ځايي هوتل كښې د ریزیلئنټ وېمن نېټ ورک تر اهتمام لاندې د مذهبی و سماجی همغږۍ ٬ تنوع او پېښو چېلنجونو په موضوع دوهم كنفرنس ته خطاب كښې وكړه۔ ده ووئيل ځينې شرخوښي د مذهب تر نامې لاندې په ګران هېواد كښې امن او استحكام ته د زيان رسولو ناوړه مقصدونه لري٬ مونږ بايد د خپل اولاد تربيه وكړؤ دغسې چې هغوي په ټولنه كښی د يو فعاله كردار ترسره كولو جوګه كړې شي۔ په دې لړ كښې استاذانو له به هم خپله ذمه واري ترسره كول وي۔ ده ووئيل كه نړۍ سره يو ډول مخ په وړاندې تلل غواړؤ نو مونږ له به په خپله ټولنه كښې د نورو مذهبونو منونكو ته د انسانيت احترام وركول وي ولې چې زمونږ مذهب مونږ ته د يو بل د عقيدو او نظرياتو د احترام درس راكوي۔ ده ووئيل په روان وخت كښې سوشل همغږۍ ته زياته اړتيا ده او په دې كښې مذهبي كسان زيات ښه كردار ترسره كولې شي۔ ده ووئيل د جړانواله پېښې نه زياتې او لويې پیښې په هند كښې رامخې ته كېږي خو هغه رپورټ كېږي نه۔ ده ووئيل مونږ دلته يؤ بلخوا نه ځو يو موټې شر خوښي مونږ يو بل څخه جدا كولې نه شي۔ ده ووئيل زما خواهش دے چې يو ورځ د ګاونډيانو هم وي دغسې چې مونږ يو شوو ، خپل هېواد مضبوط جوړول زمونږ د ټولو ذمه واري ده۔ مسلم او كرسچين بايد د انسانيت خبره وكړي ، پاکستان د نړۍ عظيم هېواد دے۔ په دې موقعه دستورې ته سېنېټر ډاکټر رخسانه زبېری، بشپ عرفان جمیل ، راشد ذکا، مفتی ګلزار نعیمی ، مسرت قدیم ، ډاکټر اخلاق الحق ،اسرار احمد اېډووکېټ ، ډاکټر زبانی فیاض، ډاکټر آمنه محمود ، ډاکټر اختر عباس ، ډاکټر اکرام الحق ،سبین رضوی ، ثریا اصغر او د ريزيلينټ چیئرپرسن آسیه ناصر هم خطاب وكړو۔
په ټولنه كښې د خرابۍ بنيادي سبب زمونږ خپلو مذهبي تعليماتو څخه لرې پاتې كېدل دي٬ د بشري حقونو وفاقي وزير خليل جارج
مضمون کا ماخذ : کوئٹہ لاٹری
متعلقہ مضامین
