اسلام آباد۔10اګست(اے پی پی) وزيراعظم شهباز شريف وئيلي دي چې اسرائيل په خپلو وحشيانه عملونو کښې له ټول حدونو تېر شوے دے ، د سکول په ماشومانو بريد ښکاره جارحيت دے، په تاريخ کښې د داسې ظلم مثال نشته، د ملګرو ملتونو په شمول نړيواله ټولنه دې د اسرائيل د سفاكيت مخه نيولو له عملي ګامونه پورته كړي۔ د خالي په ورځ د وزيراعظم آفس ميډيا ونګ لخوا په جاري شوي بيان كښې وزير اعظم شهباز شريف د فلسطين په غزه ښار كښې د ماشومانو په سكولو د اسرائيلي بريد سخته غندنه وكړه۔ وزيراعظم په دغه بريد كښې شهيد شويو كسانو لپاره د لوړو درجو دعا او غمجنيو كورنيو سره غمرازي وكړه۔ شهباز شريف ووئيل اسرائيل په خپل وحشيانه عملونو كښې له ټولو حدونو تېر شوے دے٬ دا ډول وحشت په تاريخ کښې مثال نه لري٬ د ملګرو ملتونو په ګډون نړيواله ټولنه دې د اسرائيل د ظلمونو مخنيوي لپاره عملي ګامونه پورته کړي۔ وزيراعظم ووئيل مونږ یو ځل بیا خپله غوښتنه تکراروو چې د اسرائیلو مشرتابه او امنیتي ځواکونه دې د فلسطین د نسل وژنې او جنګي جرمونو په خاطر محاکمه شي او اسرائیل له دې د دې ظالمانه كارروائيو سخته سزا وركړې شي٬ د اسرائيل په ضد دې د انصاف نړيوال عدالت پرېكړه عملي كړې شي۔ وزيراعظم ووئيل چې پاکستان به په هر محاذ د خپلو فلسطيني خويندو او وروڼو اخلاقي او سفارتي مرسته روانه ساتي۔(اے پي پي /وا/١٧٠٧)
د سكول په ماشومانو بريد ښكاره جارحيت دے٬ نړيواله ورورولي دې د اسرائيلي ظم او زياتي مخنيوي لپاره عملي ګامونه پورته كړي: وزيراعظم شهباز شريف
مضمون کا ماخذ : پاکستان کی مشہور لاٹری
متعلقہ مضامین
