د تحريك انصاف لخوا د مذاكراتو د وړاندېز معامله به پي ډي اېم ته ځي٬ د رانا ثناﺀ الله او خواجه سعد رفيق خبري كنفرنس

لاهور۔3 دسمبر(اے پی پی) پاكستان مسلم ليګ (ن) د عمران خان لخوا د مذاكراتو په مشروط پېشكش خپل ښكاره دريځ كښې وئيلي دي چې دا مذاكرات به د كوم پېشګي شرط نه بغېر وي٬ دړكې ٬ تورنه ٬ كنځلې او مذاكرات يو ځائې كېدې نه شي٬ دې لپاره ماحول جوړول وي ٬ دا د هغوي ضرورت دے زمونږ نه٬ د تحريك انصاف لخوا د مذاكراتو په وړاندېز به معامله پي ډي اېم ته ځي او دغلته به حتمي پرېكړه كولې شي٬ كه كوم اېډونچر كول غواري هغه دې وكړي مونږ به يۍ لاره كښې خنډان نه اودرؤ ٬ كه اسمبلۍ ماتوي نو ماتې دې كړي، د سندھ ٬ بلوچستان صوبائي اسمبلۍ او وفاقي اسمبلۍ به په ځائې وي۔ په ماډل ټاؤن پاكستان كښې د مسلم ليګ نون د صدر او وزيراعظم شهباز شريف په مشرۍ كښې د ګوند د سينئر لارښودو مشاورتي غونډه د خالي په ورځ وشوه په كومه كښې چې د عمران خان د مشروط مذاكراتو د پېشكش بشپړه جاج واخستې شو۔ د غونډې څخه وروستو د رېلوے و فاقي وزير خواجه سعد رفيق ٬ داخله وزير رانا ثناﺀ الله ٬ عطا تارړ او ملك محمد احمد خان ميډيا ته بريفنګ وركړو۔ خواجه سعد رفیق ووئيل د تحريك انصاف لخوا د مذاكراتو په وړاندېز به معامله پي ډي اېم ته ځي٬ دا وړاندېز متحده اپوزيشن وركړې وو خو عمران او دده ملګرو دې پسې خندا كړې وه۔ پو كم څلور كاله دوئي چا سره سلام كلام نه كولو٬ دا يو عجيبه فرعونيت وو ٬په دې هېواد كښې خو مارشل لاﺀ هم پاتې شوې ده خو دې ټول ريكارډونه مات كړل۔ ده ووئيل زمونږ ځينې اتحاديان سخت تحفظات لري چې دوئي سره خبرې كول نه دي پكار او دوئي له د فېس سېونګ موقعه بايد ورنكړې شي ولې مونږ دا ګڼو چې د مذاكراتو عمل د سياست برخه ده ٬ خو هره يوه خبره به په يوه طريقه كول وي۔ ده ووئيل كه عمران خان جدي وي نو بيا دې ځان په دوه درې خبرو پوهه كړي۔ دړكې ٬ كنځلې او مذاكرات يو ځائې نه شي كېدې٬ مذاكرات له به ماحول جوړول وي٬ مذاكرات ضرورت د دوئي دې زمونږ نه۔ ده ووئيل د دوئي خلق دا وائي چې پي ډي اېم د ټاكنو نه ويرېږي۔ دا دوئي خام خيالي ده ٬ دا خبره بايد د ذهن نه لرې كړي٬ مونږ په اولني ځل ټاكنې نه كوؤ۔ كله هم چې ټاكنې وي او چرته هم وي په هغې كښې به برخه اخلؤ۔ ده ووئيل اسمبليو له به خپله موده ترسره كول وي او ټاكنې به په خپل وخت كولې شي۔ خواجه سعد رفيق ووئيل مونږ ته تقويت د كوم ځائې نه ترلاسه شوې نه دے٬ د طاقت سرچينه د پاك پروردګار ذات دے او تر كومې چې دنياوي خبره ده هغه به نواز شريف كوي۔ ده ووئيل د عمران په حكومت كښې چې كوم لوظونه اولس سره شوې وو په هغې كښی يو هم نه دے پاللے شوے٬ دوئي هېواد د سري لنكا صورتحال ته ټېله كولو۔ داخله وزير رانا ثناﺀ الله ووئيل مونږ سياستمدار يؤ او سياستمدار كله هم له مذاكراتو څخه انكاري نه وي٬ دا يواځينې سياستمدار دے كوم چې په دې هېواد مسلط شوے دے او دا د هېواد او قوم بدقسمتي ده چې ده پو كم څلور كاله اپوزيشن ته لاس نه دے وركړے۔ ده ووئيل كله چې د پلوامه پېښه وشوه نو د هر ګوند 5 ٬ 5 سينئر كسانو به د ده يو نيم ساعت انتظار كولو۔ عمران دغه وخت وزيراعظم وو او په پارليماني ودانۍ كښې ناست وو۔ د دغه وخت آرمي چيف قمر جاوېد باجوه په عمران زور راوړو چې ټول اپوزيشن ناست دے ٬ غونډه ستا په مشرۍ كښې كېدونكې ده ٬ مونږ له بريف كول دي او دې سره به د قومي يووالي پېغام لاړ شي خو دې سړي نه منله٬ د ده د اولې ورځې نه رويه هم داسې ده۔ د يوې پوښتنې په ځواب كښې ده ووئيل د كوم درېم قوت خبره چې دې كوي هغې ته دې د درېو مياشتو راهېسې كنځلې وي٬ چې دوئي دې مينځ ته راشي او د ټاكنو نېټه دې واخلي۔ ولې د دې باوجود درېم قوت لاس وهنه ونكړه او په خپله پرېكړه ولاړ دے ٬ څه چې په آئين كښې دي د هغې له مخې به كېږي۔ ده ووئيل د عمران خيال دا وو چې په پنډۍ كښې به د خلقو سمندر وي ٬ 20 ٬ 25 لكه كسان به راشي او زه به دغه وخت خبره وكړم چې اسلام آباد ته لاړ شم يا دوئي معاف كړم٬ كله چې ده فضائي جاج واخست نو د ده د غوږونو نه لوږې ووتلو۔ څومره چې ده وئيلي وو دومره د زرګونو په شمېر هم نه وو۔ بيا ده په مايوسۍ كښې د اسمبليانو د تحليل كولو اعلان وكړو۔ ده ووئيل د تېر حكومت پالېسيو د لاسه هېواد ډيفالټ كېدو ته نزدې شوې و ٬ مونږ سنبال كړو ٬ اولس ته د ريليف وركولو پړاؤ مو پېل نه كړې شو ډېر زر به يۍ پېل كړؤ۔ ده ووئيل معيشت به هم د بدحالۍ څخه بهر شي ٬ د دوه څلور كالو راهېسې چې كومه معاشي تباه پېل شوې ده د هغې د مخنيوي هڅې كوؤ