اسلام آباد 06 فروری(اے پی پی) وزيراعظم شهباز شريف د نېشنل انرجي ايفيشينسي اېنډ كنزروېشن اتهارټي(نيكا) بيا د سره بحالۍ او اصلاحات او د دې په استعداد كښې د اضافې لويه پريكړه كولو سره د پخواني وزيراعظم شاهد خاقان عباسي په مشرۍ كښې بين الوزارتي سټيئرنګ كمېټۍ جوړه كړې۔د وزيراعظم آفس مېډيا ونګ لخوا د ګل په ورځ جاري شوي بيان له مخې د وزيراعظم محمد شهباز شريف په مشرۍ كښې په هېواد كښې د توان بچت لپاره د اقداماتو د جاج اخستو غونډه وشوه چې پكښې وزيراعظم د نيكا كاكردګۍ او په دې كښې په موجوده كمو د غصې څرګندونه كولو سره ووئيل چې په هېواد كښې وسائل بې درېغه ضائع كېږي او ادارې بندې دي۔وزيراعظم هدايت وكړو چې د نيكا په سمدستي توګه فعاله جوړولو لپاره دې بين الوزارتي كمېټي اقدامات وكړي۔وزيراعظم د نيكا پوهانو ته د تعميراتي٬صنعتي٬مواصلات٬پاور او كركيلې په څانګه كښې د توان بشپړه بچت لپاره وزارتونو ته د تګلارې وركولو هدايت وكړو۔غونډه د نېشنل انرجي ايفيشينسي اينډ كنزروېشن اتهارټي(نيكا)موجوده استعداد او د دې مينډېټ په اړه په تفصيلي توګه خبر كړې شوه۔ غونډې ته ووئيل شو چې د نيكا استعداد زياتولو لپاره كوم خاطر خواه اقدامات نه دي شوې۔غونډه د نيكا بجټ په اړه هم خبر كړې شوه۔غونډې ته ووئيل شو چې قامي نېشنل انرجي ايفيشيسني اينډ كنزروېشن پالېسي مسوده به ډېر زر كابينې ته منظورۍ لپاره وړاندې كړې شي۔وزيراعظم د نيكا اصلاحات په اړه جامع منصوبه بندي كولو سره د ضروري اقداماتو متعين كولو او د دې اقداماتو په ټاكلي موده كښې د باوري كولو تاكيد وكړو۔په غونډه كښې پخواني وزيراعظم شاهد خاقان عباسي٬وفاقي وزيرانو اسحاق ډار٬خرم دستګير خان٬د وزيراعظم صلاحكار احمد چيمه٬د پېټروليم وزيرمملكت ډاكټر مصدق ملك٬خاص مرستيال جهانزېب خان٬سيد فهد حسېن او اړوند اعلٰی چارواكو ګډون وكړو
وزيراعظم شهباز شريف د نېشنل انرجي ايفيشينسي اېنډ كنزروېشن اتهارټي بيا د سره بحالۍ پريكړه٬د شاهد خاقان عباسي په مشرۍ كښې بين الوزارتي سټيئرنګ كمېټي جوړه كړې شوه
مضمون کا ماخذ : کنگ میکر
متعلقہ مضامین
