اسلام آباد 23 مئي (اے پي پي) امنيتي ځواكونو او اسختباراتي اېجنسو په بلوچستان كښې د انتهائي مطلوب ترهګر ګلزار امام عرف شنبے په عملياتو كښې په ګرفتارۍ لويه كاميابي ترلاسه كړې ٬ د آئي اېس آئي تاريخي او لويه كارنامه د ادارې د پروفېشنل ازم ثبوت دے، امنيتي ذريعو له مخې د بلوچ نيشنلسټ آرمي او “براس” باني لارښود د دې نوعيت په انټيلي جنس آپرېشن كښې ګرفتاري د نړۍ دوېم او د پاكستان د تاريخ وړومبے آپرېشن ٶ، ذريعو له مخې د قامي سلامتيا کمېټۍ په غونډه كښې د آئي اېس آئي ډائرېكټر جنرل ليفټيننټ جنرل نديم انجم ته په زړه پورې پېرزوئنې وړاندې كړې شوې۔ د امنيتي ذريعو له مخې د انټيليجنس په څانګه كښې دا د يو ځانګرې كارنامې په توګه د ياد ساتلو آپرېشن دے٬ آئي اېس آئي ګلزار امام شنبے د ډېر پېچلي او سخت آپرېشن نه پس ګرفتار كړے٬ د نړۍ په انټيلي جنس تاريخ كښېځانګړے او دا يو مثالي آپرېشن دے چې په څو مياشتو او په ځينې جغرافيائي سيمو محيط ٶ۔ ګلزار امام شنبے خپله شدت پسندي ناسمه ګرځولې او بلوچ شدت خوښو ته ئې د امن لاره خپلولو وئيلي دي٬ اولس او حكومت ته ئې د معافۍ درخواست كولو سره خپل ځان آئين او قانون ته سپارلے دے۔ ذريعو ووئيل ګلزار امام عرف شنبے په كال 1978 كښې د بلوچستان د پنجګور ضلعې په پروم سيمه كښې زېږېدلے٬ تر كال 2018 په كالعدم بلوچ ريپبلکن آرمي كښې د براهمداغ بګټي نائب ٶ۔ ګلزار امام د جنورۍ په 11مه نيټه كال 2022 كښې د بلوچ ريپبلکن آرمي او د يونائيټډ بلوچ آرمي د انضمام په نتيجه كښې د جوړېدونكې بلوچ نيشنلسټ آرمي مشر متنخب شوے او په نومبر كال 2018 كښې د څلورو كالعدم تنظيمو په انضمام سره د جوړېدونكې بلوچ راجي اجوئي سنګر نوې نتظيم په جوړولو كښې ئې كليدي كردار لوبولے ٬ د آزاد بلوچستان تحريك په مهال د دښمن انټيلي جنس ايجنسو اصل عزائم ښكاره شوي٬ ده په دسمبر كال 2017 كښې د ګل نويد په نامه په افغاني پاسپورټ د هند دوره كړې۔ دغسې انټيلي جنس ادارو د پرله پسې خوارۍ نه پس ګلزار امام عرف شنبے بلوچستان څخه ګرفتار كړے٬ د شنبے ګرفتاري کالعدم تنظيمونو او د دښمن انټيلي جنس ايجنسو ناوړه عزائمو لپاره يو لوي زيان دے
د امنيتي ځواكونو او د اسختباراتي اېجنسو بلوچستان كښې د ډېر مطلوب ترهګر ګلزار امام عرف شنبے په عملياتو كښې ګرفتاري لويه كاميابي ده٬ دا د آئي اېس آئي تاريخي كارنامه او د ادارې د پروفېشنل ازم ثبوت دے
مضمون کا ماخذ : Aztec خزانے
متعلقہ مضامین
