اسلام آباد ۔ 07 اگست (اے پی پی) پاکستان آکھیا ہے جو7جولائی2017 کوں نیویارک اچ ووٹ دے ذریعے اختیار کیتے گے جوہری ہتھیاراں دی ممانعت دے معاہدے اچ ضروری شرطاں کوں پورا کائنی کیتا گیا ۔پاکستان سارے جوہری ملکاں وانگوں انہاں مذاکرات اچ حصہ کائنی گھدا تے ایں معاہدے دا رکن نی بنڑ سگدا ،ایں سانگے ایں معاہدے دے تحت خود کوں کہیں قسم دیاں ذمے واریاں دا پابند نی سمجھدا ۔سنوار کوں دفترخارجہ ولوں ہک جاری بیان اچ آکھیا گیا ہے جو پاکستان جوہری ہتھیاراں تے عالمگیر ،قابل تصدیق تے غیر امتیازی جامع کنونشن دی تکمیل دے ذریعے جوہری ہتھیاراں توں پاک دنیا دے مقصد سانگے پر عزم ہے ،جینوا اچ تخفیف اسلحہ بارے کانفرنس ایں طرح دے کنونشن دی تکمیل سانگے ساریں توں ودھ مثالی فورم ہے ۔اقوام متحدہ دی جنرل اسمبلی 1978اچ جوہری ہتھیاراں دی تخفیف متعلق پہلے خصوصی اجلاس اچ اتفاق رائے نال ایں گالھ دی منظوری ڈتی گی جو تخفیف اسلحہ بارے اقدامات اختیار کریند ے ہوئیں ہر ملک دی سیکورٹی دے حق کوں ذہن اچ رکھیا ویندا ہے تے ایں عمل دے ہر مرحلے تے ساریاں ریاستاں سانگے بلا تخفیف سیکورٹی ایندا مقصد ہوسی ۔پاکستان سمجھدا ہے جو اے اہم شراکت داراں دی شمولیت نال اتفاق رائے دے ذریعے صرف عالمی تعاون نال حاصل کیتا ونج سگدا ہے ۔ پاکستان جوہری ہتھیاراں دی ایں طریقے نال تخفیف متعلق اپنڑے عزم دا اعادہ کریندا ہے جیں نال عالمی تے علاقائی سطح تے پر امن سلامتی تے استحکام کوں ودھارا مل سگے ۔
جوہری ہتھیاراں دی ممانعت دے معاہدے اچ ضروری شرائط کوں پورا کائنی کیتا گیا پاکستان ایں معاہدے دا رکن نی بنڑ سگدا ، ترجمان دفتر خارجہ
مضمون کا ماخذ : raspadinha resultados
متعلقہ مضامین
