ڈالردی قیمت اچ ودھارے دی وجہ سیاسی حالات دی وجہ توں قیاس آرائیاں کائنی ، اداریں تے لوکاں وچال رابطے دا فقدان ، غلط فہمی اتے مصنوعی اقدام ہئی ، گورنر سٹیٹ بینک داتقرر وزیر اعظم دی وطن واپسی تے وختی کیتا ویسی ، معاملہ دی جامع تحقیقات تھیسن
اسلام آباد ۔ 06 جولائی (اے پی پی) وزیر خزانہ سینٹر اسحاق ڈارآکھیا ہے جو ڈالر دی قیمت اچ گزریل ڈینھ دے مصنوعی ودھارے دی تحقیقات تھیسن ، روپے دے مقابلے اچ ڈالر دی قیمتاں اچ ودھارے دی وجہ توں سیاسی حالات دی وجہ توں قیاس ارائیاں کائنی بلکہ اداریں تے لوکاں وچال رابطے دا فقدان ، غلط فہمی اتے مصنوعی اقدام ہئی ، گورنر سٹیٹ بینک داتقرر وزیر اعظم دی وطن واپسی تے وختی کیتا ویسی جیں دے بعد معاملے دی جامع تحقیقات تھیسن ایندے نال کیں فائدہ چاتا تے کیں ضیان میڈے سمیت کوئی وی فرد انفرادی طور تے پاکستان دی معیشت کوں ضیان پجاونڑ دا حامل کوئی فیصلہ نی کرسگدا ۔انہاں خیالاں دااظہار انہاں خمیس کوں اتھاں بینکاں دے چیف ایگزیکٹو افسراں توں اجلاس دے بعد میڈیا نال گالھ مہاڑ کریندے ہوئیں کیتا واضح رہے جو وفاقی وزیر خزانہ اسحاق ڈار گزریل ڈینھ فنانس ڈویژن حکام دے ہنگامی اجلاس دے دوران مصنوعی طور تے ڈالر دے مقابلے اچ پاکستانی روپے دی قدراچ گھٹکی دا سخت نوٹس گھندے ہوئیں ایں صورتحال تے ودھ ساری تشویش تے مایوسی دااظہار کیتا ۔ انہاں آکھیا جو ایں بارے غیر ملکی زرمبادلہ دے مارکیٹس تے منفی ثرات مرتب تھے ہن۔ وزیر خزانہ آکھیا جو ذمے دار عناصر اتے لوکاں دی نشاندہی کیتی ویسی انہاں دے خلاف قومی مفاد اچ مناسب کارروائی تھیسی۔ایں سلسلے اچ وزیر خزانہ خمیس کوں بینکاں دے اعلیٰ عہدیداراں دے نال ملاقات کیتی جیں دے بعد انہاں کجھ ہی گھنٹے اچ ڈالر دی قیمت اچ ساڈھے ترائے روپے دا مصنوعی ودھار اتھیااساں سانگے حیران کن ہئی ۔ ابتدائی طورتے تاثر ملیا جو شائد سیاسی صورتحال دے باعث اتار چڑھاﺅ تھیا ہے لیکن ایندی کوئی وجوہات نظر کائنی آیاں ۔ 9 ارب ڈالر تجارتی خسارے دے باوجود اگر زرمبادلہ دے ذخائر 21ارب ڈالر ہن تاں ایندا مطلب ہے جو کم تھیندا پیا ہے ۔وزیر خزانہ آکھیا جوسٹاک مارکیٹ مستحکم ہے ، ایجھے اچ ایں طرح دی صورتحال پیدانی تھیونڑیں چاہیدی جیں نال قومی معیشت کوں ضیان تھیوے ۔
وزیر خزانہ سینٹر اسحاق ڈار دی بینکاں دے چیف ایگزیکٹو افسراں توں اجلاس دے بعد میڈیانال گالھ مہاڑ
مضمون کا ماخذ : شمال کے ڈریگن
متعلقہ مضامین
