آستانہ ۔ 9 جون (اے پی پی) وزیراعظم محمد نواز شریف آکھیا جو پاکستان شنگھائی تعاون تنظیم دے پورے رکن دی حیثےت نال علاقائی امن،رابطیاں اتے اقتصادی خوشحالی ،تنظیم دے اجتماعی مقاصد دے حصول سانگے بئی کوششاں کریسی،پاکستان پر امن ہمسائیگی دی پالیسی تے کاربند اے،دہشت گردی اتے انتہا پسندی دی جڑاں برائیاں توں کامیابی نال نبڑےے۔انہاں آکھیا جو ایس سی او عالمی تبدیلیاں دے تناظر اچ علاقائی ترقی اتے خوشحالی سانگے نمایاں اتے گھاٹا کردار ادا کیتے۔وزیراعظم آکھیا جو ایس سی او رکن ملکاں کوں ہکوجیہی خوشحالی تے رابطیاں دے ودھارے اتے انتہا پسندی ،دہشت گردی،غریبی،بے روزگاری دے خاتمے دے نال نال موسمیاتی تبدیلیاں اتے آبی تحفظ نال نبڑنڑ سانگے پلیٹ فارم ڈتے۔انہاں آکھیا جو پاکستان دہشت گردی اتے انتہا پسندی دی برائیاں نال کامیابی نال لڑےے۔انہاں آکھیا جو پاکستان پاک چین اقتصادی راہداری تے تندہی نال عمل کریندا پئے جیڑھا جو ہک پٹی ہک شاہراہ (ون بیلٹ ون روڈ)دے اقدام دا فلیگ شپ منصوبہ اے۔اے گالھیںوزیراعظم محمد نواز شریف دا ایس سی او دی سربراہان مملکت کونسل دے اجلاس توں خطاب کریندیں ہوئیں آکھی۔سربراہ اجلاس اچ قزاقستان دے صدر نور سلطان نذر بائیوف، چین دے صدر شی جن پنگ، کرغزستان دے صدر الماس بیگ اتام بائیوف، روس دے صدر ولادی میر پیوٹن، تاجکستان دے صدر امام علی رحمانوف، ازبکستان دے صدر شوکت مرزوف، افغانستان دے صدر اشرف غنی، بیلارس دے صدر الیگزینڈر لوکا شینکو، منگولیا دے صدر تاخیاجن البگدورج اتے بھارت دے وزیراعظم نریندر مودی وی موجود ہن ۔
وزیراعظم محمد نواز شریف دا ایس سی او دی سربراہان مملکت کونسل دے اجلاس توں خطاب
مضمون کا ماخذ : پاور بال کے نتائج
متعلقہ مضامین
