اسلام آباد ۔ 28 مئی (اے پی پی) صدر مملکت ممنون حسین رمضان المبارک دی آمد اُتے پاکستانی قوم اتے پوری ملت اسلامیہ کوں مبارخ ڈیندے ہوئیں آکھے جو رحمتاں اتے برکتاں دے انہاں ڈینھا اچ کمزوراں، ضعیفاں اتے ناداراں دی ایں طرح مدد کرنڑیں ہے جو او مستقل طور تے آپنڑیں پیراں اُتے کھڑے تھی سگن ، ماہ مبارک اچ ملک تے ملت کوں انتشار اتے بد امنی دی طرح دے مسئلے ڈیکھاونڑآلیا ں فتنہ پروراں کوں مکاونڑیاں کوششاں اچ روجھے ہوئے وطن عزیز دے رکھوالیاں کیتے دعا کرنڑیں چاہید ی ہے ، جو اللہ تعالیٰ انہاں کوں آپ دی امان اچ رکھے اتے انہاں دیاں کوششاں اچ برکت پیدا کرے ۔ اے گالہیں ا نہاں رمضان المبارک دے شروع تھیونڑ تے قوم دے ناں آپنڑیں سنیہے اچ آکھیاں۔ صدر مملکت آکھیاجو نیکیاںدے موسم بہار یعنی رمضان المبارک دی آمد اُتے او پاکستانی قوم اتے ساری ملت اسلامیہ کوںمبارخ پیش کریندے ہن اتے توقع کریندے ہن جو ایں مبارک مہینے اچ اساں رحمتاں سمیٹ تے اللہ دی رضا دے حق دار بنڑ ویسوں ۔ انہاں آکھیا جو اسلام دے نظام عبادات اچ شامل ہر عبادت انسان دی باطنی تطہیر دا ذریعہ بنڑدی ہے جڈانجو نماز ،روزہ، حج اتے زکواة سمیت ہر عبادت اچ ایں طرح دے ظاہری پہلو پاتے ویندے ہن جیہڑے جو معاشرے دی اجتماعی تربیت اتے بہبود کیتے مفید ہن ۔ صدر آکھیا جو ایں نظام دے تحت اللہ تعالیٰ انسان اچ بے غرضی ، اخلاص اتے نظم و ضبط دیاں کیفیات پیدا کرنڑاں چاہندے اتے اے او طرز عمل ہے جیہڑا جو حرص تے ہوس ، مادہ پرستی اتے انتشار دے شکار معاشریاں دی تہذیب اتے ترقی دا ذریعہ بنڑدے ۔
صدر مملکت ممنون حسین دا رمضان المبارک دے شروع اچ قوم دے ناں سنیہا
مضمون کا ماخذ : بفیلو بلٹز
متعلقہ مضامین
