ٹیکس وصولیاں دا تخمینہ 4013 ارب ، ترسیلات زر دا تخمینہ 837 ارب 80 کروڑ روپے لاتا گیا ہے ، زراعت، صنعت، برآمدات سمیت بے شعبیں تے مراعات دا اعلان
دفاعی بجٹ اچ79 ارب روپے دا ودھارا، پاک فوج دے افسراں تے نینگراں سانگے ضرب عضب سپیشل الاﺅنس دے طور تے 10 فیصد ودھارے دا اعلان
سرکاری ملازماں دیاں تنخواہیں اچ 2010دا 50 فیصد ایڈہاک الاﺅنس ضم کریندے ہوئیں ایندے تے 10 فیصد ودھارے ، بیت المال اتے بے نظیر انکم سپورٹ پروگرام سمیت سماجی تحفظ دے شعبے دے بجٹ اچ چنگاں ودھارا
اسلام آباد ۔ 26 مئی (اے پی پی) آندے مالی سال 2017-18دے5 ہزار 310 ارب روپے حجم دا وفاقی بجٹ پیش کرڈتا گئے ۔ سرکاری ملازماں دیاں تنخواہواں اچ 2010ءدا 50 فیصد ایڈہاک الاﺅنس ضم کریندے ہوئیں ایندے اُتے 10 فیصدودھارا کیت اگئے ، دفاعی بجٹ اچ 79 ارب روپے دا ودھارا کیتا گئے ، ٹیکس وصولیاں دا تخمینہ 4013 ارب روپے لا تا گئے ، ترسیلات زر دا تخمینہ 837 ارب 80 کروڑ روپے لاتا گئے ، زراعت، صنعت، برآمدات سمیت بئے شعبیاں اُتے مراعات دا اعلان کیتاگئے، بیت المال اتے بے نظیر انکم سپورٹ پروگرام سمیت سماجی تحفظ دے شعبیاں دے بجٹ اچ چنگا چوکھا ودھارا کیتا گئے ، پاک فوج دے افسراں اتے جواناں کیتے ضرب عضب سپیشل الاﺅنس دے طور تے 10 فیصد ودھارے دا اعلان کیتا گئے ، جڈانجو وزیر خزانہ قوم توں درخواست کیتی ہے جو او معاشی وژن دے حصول کیتے ہک مٹھ اتے رل تے اگوں ودھن ۔ جمعے کوں قومی اسمبلی اچ آندے مالی سال 2017-18ءدا بجٹ پیش کریندے ہوئیں وفاقی وزیر خزانہ سینیٹر اسحا ق ڈار آکھیا جو پاکستان دی تریخ اچ پہلی واری ہک منتخب وزیراعظم اتے وزیرخزانہ مسلسل پنجواں بجٹ پیش کریندے پن ۔ اے گالھ مضبوط جمہوریت کوں ظاہر کریندی ہے ، جیندے اُتے ساری قوم نازکر سگدی ہے ۔ میں وڈی عاجزی نال اللہ تعالیٰ دا شکر ادا کرینداں جواوں میں ناچیز کوں اتے موقع ڈتے ۔ ایں موقعے تے گزریل چار سالیں دی معاشی کارکردگی بارے وی ڈسایا۔ انہاں آکھیا جو اج پاکستان تیز تر ترقی دی راہ اُتے ٹردا پئے ۔ ایں سال اساڈی جی ڈی پی اچ ودھارے دی شرح 5.3فیصد ہے جیہڑی جو گزریل ڈھا سالیں اچ ترقی دی بلند ترین شرح ہے۔ زرمبادلہ دے ذخائر مناسب سطح اُتے ہن جیہڑے جو چار مہینے دی درآمدات کیتے کافی ہن ۔ گزریل چار سالیں اچ ٹیکس وصولیاںاچ 81فیصد ودھارا تھئے ۔ جیہڑا جو اوسطاً 20فیصد سالانہ ودھارا ہے ۔ 2013 توں ہنڑ تئیں نجی شعبے کوں قرضے ڈیونڑ اچ پنج گنا توں ودھ ودھارا تھئے ۔ مالیاتی خسارہ تقریباً 4.2فیصد ہوسی ۔ ایں سال مشینری دی درآمد اچ 40فیصد توں زائد ودھارا تھئے ۔ گیس دی فراہمی بہتر تھئی ہے اتے صنعت کیتے لوڈشیڈنگ پوری طرح مُک گئی ہے ۔ جڈانجو تجارتی اتے گھریلو صارفین کیتے لوڈشیڈنگ اچ واضح کمی آئی ہے۔ انشاءاللہ آندا سال لوڈشیڈنگ دے پورے خاتمے دا سال ہوسی ۔ وزیر خزانہ آکھے جو پاکستان دے 2030ءتئیں دنیا دیاں 20وڈیاں اقتصادی طاقتاں (G-20) اچ شامل تھیونڑ دی پیشن گوئی کیتی ویندی پئی ہے ۔ ایں متاثر کن تبدیلی دا سہرا ساری قوم دے سر ہے
آندے مالی سال 2017-18دا5 ہزار 310 ارب روپے حجم دا وفاقی بجٹ پیش کر ڈتا گیا
مضمون کا ماخذ : سمندری ڈاکو گولڈ
متعلقہ مضامین
