اسلام آباد ۔ 25 مئی (اے پی پی)اجوکے مالی سال دی معاشی کارکردگی دے حوالے نال اقتصادی سروے 2016-17ءجاری کرڈتا گیا ہے۔ وفاقی وزیر خزانہ محمد اسحاق ڈار خمیس کوں پریس کانفرنس دے دوران اقتصادی کارکردگی جائزہ رپورٹ مالی سال 2016-17ءجاری کیتی۔ اقتصادی سروے دے نمایاں خدوخال اتے حکومت دی معاشی کاکردگی تے روشنی پیندے ہوئیں وزیرخزانہ اسحاق ڈار آکھیا جو ملک دی مجموعی قومی پیداوار اچ چنگاںودھارا تھیا ہے جیں دا عالمی سطح تے وی تعریف کیتی گی ہے ۔۔ ملکی معیشت دا حجم 300 ارب ڈالر توں ودھ گیا ہے ۔ انہاں آکھیا جو اجوکے مالی سال دی شرح نمو گزریل10 سال دی اچی ترین سطح تے 5.28 فیصد رہی ہے۔ اگلے سال سانگے شرح نمو دا ہدف 6 فیصد توں ودھ رکھیا گیا ہے۔ 2013اچ معاشی شرح نمو ترائے فیصد ہئی۔ انہاں آکھیا جوصنعتی ترقی دی شرح 5 فیصد توں اتلے رہی ، صنعتی ترقی دی شرح مارچ 2017توں 10 فیصد ودھ رہی۔ انہاں آکھیا جو زراعت دے شعبے اچ گزریل مالی سال دے مقابلے اچ چنگاں ودھارا تھیا ہے ۔ اجوکے سال کپاہ تے گنے کی پیداواراچ وی ودھا را تھیا ہے
وفاقی وزیر خزانہ محمد اسحاق ڈاردی اقتصادی جائزہ رپورٹ دے حوالے نال پریس کانفرنس
مضمون کا ماخذ : لیپریچون کی خوش قسمتی۔
متعلقہ مضامین
