اسلام آباد۔12مارچ (اے پی پی):حکومتی اتحاد دے امیدوار سینیٹر صادق سنجرانی 48 ووٹ گھن تے چیئرمین سینیٹ منتخب تھی ڳئن جݙاں جو انہاں دے مقابلے اچ امیدوار سینیٹر سید یو??ف رضا گیلانی 42 ووٹ ڳھدے جݙاں جو 8 ووٹ مسترد تھئے۔ جمعے کوں سینیٹ دے اجلاس اچ سینیٹ دے 100 ارکان اچوں98 ارکان اپݨا حق رائے دہی استعمال کیتا، ہک رکن اسحاق ڈار دا نوٹیفیکیشن الیکشن کمیشن ولوں معطل اے جݙاں جو جماعت اسلامی دے سینیٹر مشتاق احمد خان غیر حاضر رہیے۔ سینیٹ کیتے پ??لنگ دا عمل ترائے وڄے پریزائیڈنگ آفیسر سینیٹر سید مظفر حسین شاہ دی زیر صدارت شروع تھیا۔ سید مظفر حسین شاہ پولنگ دے آغاز توں پہلے پ??لنگ دے طریقہ کار اتے قواعد و ضوابط دے حوالے نالارکان کوں ݙسایا ۔ ترائے وڄ تے 18 منٹ تے سینیٹر مولانا عبدالغفور حیدری اپݨاووٹ کاسٹ کیتا جیڑھا جو ڈپٹی چیئرمین سینیٹ کیتے اپوزیشن دے نامزد امیدوار ہن۔ چیئرمین سینیٹ دے ان??خا?? کیتے ووٹنگ دا عمل پرامن طریقے نال شام چار وڄ تے 40 منٹ تے مکمل تھی ڳیا ، چھیکڑی ووٹ پریزائیڈنگ آفیسر سینیٹر سید مظفر حسین شاہ پاتا۔ سینیٹر مشتاق احمد خان دی غیر حاضری پاروں پریزائیڈنگ افسر شام پنج وجے تک پولنگ دا ویلھا پورا تھیوݨ دا انتظار کیتا تے ایندے ہک منٹ بعد تئیں سینیٹر مشتاق احمد کیتے گھنٹیاں وڄائیاں ڳیاں لیکن انہاں دے ایوان اچ نہ آوݨ تے ووٹاں دی ڳنتری شروع کر ݙتی ڳی ۔ ان??خا??ی عمل دے دوران سینیٹر فاروق حامد نائیک سینیٹر سید یو??ف رضا گیلانی جݙاں جو سینیٹر محسن عزیز سینیٹر صادق سنجرانی دے پ??لنگ ایجنٹ دے فرائض انجام ݙتے۔ 8 ووٹ مسترد کرݙتے ڳئے۔ 7 بیلٹ پیپرز تے سید یو??ف رضا گیلانی دے ناں تے اتے ل??تی ڳئی ہئی جݙاں جو ہک ووٹر ݙوہیں امیدواراں دے خانے اچ مہر لاتی جیں دی وجہ توں اے ووٹ وی مسترد کر ݙتا ڳیا۔ اپوزیشن دے سینیٹر فاروق حامد نائیک سید یو??ف رضا گیلانی دے ناں دے اتے ل??تے ڳئے ووٹ مسترد کرݨ تے اعتراض کیتا تے آکھیا جو انہاں دے ناں تے اتے مہر لاتی ڳئی اے لہذا انہاں ووٹاں کوں مسترد نی کیتا ونڄ سڳدا جیں تے سینیٹر صادق سنجرانی دے پ??لنگ ایجنٹ سینیٹر محسن عزیز آکھیا جو ہدایت نامہ اچ واضح طور تے درج اے جو امیدوار دے ناں دے سامݨے آلے خانے اچ ہی مہر لاتی ونڄ سڳدی اے لہذا سید یو??ف رضا گیلانی دے ناں دے اتے جیڑھی مہر لاتی ڳئی اے ایں کیتے اے ووٹ مسترد تھیوݨے چاہیدن جیں تے پریزائیڈنگ آفیسر اپݨی رولنگ ݙیندے ہوئیں آکھیے جو انہاں ݙوہیں امیدواراں دے پ??لنگ ایجنٹس دے دلائل سݨ ڳھدن تے او ایں نتیجے تے پڄن جو سید یو??ف رضا گیلانی دے ناں دے اتے جنہاں بیلٹ پیپرز تے مہر لاتی ڳی اے او ست ووٹ مسترد کیتے ویندن تے سینیٹر صادق سنجرانی کوں کامیاب قرار ݙتا ویندے ۔ صادق سنجرانی 48 اتے انہاں دے مقابلے اچ اپوزیشن دے امیدوار سید یو??ف رضا گیلانی 42 ووٹ ڳھدن ۔ نتیجے دے اعلان دے بعد حکومتی اراکین ڈیسک وڄائے ۔
