اسلام آباد – 23 اپريل (اي پي پي) ناڻي، اوڳاڙين ۽ اقتصادي معاملن واري وزيراعظم جي صلاحڪار ڊاڪٽر عبدالحفيظ شيخ فيڊرل بورڊ آف روينيو کي اثاثن کي منظرعام تي آڻڻ جي لاءِ نئين تجويز ڪيل اسڪيم کي وڌيڪ پرڪشش ۽ ٺوس بڻائڻ جي هدايت ڪئي آهي ته جيئن رسمي معيشت کان ٻاهر رهجي ويل وڌ کان وڌ ماڻهن کي ملڪي معيشت جو حصو بڻائي سگهجي. هن اها هدايت اثاثن کي منظرعام تي آڻڻ جي اسڪيم (ايسٽس ڊڪليئريشن اسڪيم) جي حوالي سان جائزه اجلاس جي صدارت ڪندي ڏني. اجلاس ۾ وزيراعظم جي ٽيڪسٽائيل واري صلاحڪار عبدالرزاق دائود، اداراجاتي سڌارن ۽ ڪفايت شعاري جي لاءِ وزيراعظم جي صلاحڪار ڊاڪٽر عشرت حسين، اوڳاڙين واري مملڪتي وزير حماد اظهر، ايف بي آر چيئرمين ۽ بزنس، اڪائونٽنگ ۽ بئنڪنگ جي شعبي جي ماهرن شرڪت ڪئي.
مضمون کا ماخذ : estratégias loteria وفاقی
