اسلام آباد۔5اکتوبر(اے پی پی) وفاقی وزیر بحری امور قیصراحمد شیخ دی صدارت اچ میری ٹائم سیکٹراچ ٻاہرلی سرمایہ کاری تے پیشرفت سانڳے اجلاس تھئے ۔ اجلاس اچ ملائیشین کمپنیاں (فیلڈا گلوبل وینچرز ت?? کے ایل کے ملائیشیا)اتے پاکستانی کمپنی ویسٹ بری گروپ دے نمائندیں وی شرکت کیتی ۔ اے س??ریاں کمپنیاں پاکستان دے پورٹس نال پہلے کم کریندیاں پئن ۔ ملائیشین کمپنیاں پاکستان دے پورٹس دے ذریعے آپݨا کاروبار ودھاوݨ دا اعادہ کیتے ۔ وزارت بحری امور توں جاری پریس ریلیز موجب قیصراحمد شیخ آکھیے ملائیشیا سودھے س??رے ٻاہرلے س??مایہ کاراں نال تعاون یقینی بݨیسوں ۔ انہاں آکھیے پورٹ قاسم اتھارٹی اتے کراچی پورٹ ٹرسٹ سودھے س??رے ادارے امپورٹرز اتے ایکسپورٹرز دے س??رے مسئلے مکاوݨ سانڳے کوشاں ہیسے ۔ انھاں آکھیے بطور وزیر میݙا دفتر سرمایہ کاراں سانڳے ہر ویلھے کھلا پئے ، جے ٻاہرلے س??مایہ کاراں کوں کہیں قسم دی کوئی وی ر??اوٹ اے تاں میں نال رابطہ کرسڳدن ۔ انھاں آکھیے اڄوکے ہفتے ڈنمارک دی حکومت نال وی مفاہمتی یا??داشت تے دستخط تھئن جیں دے ذریعے مارسک کمپنی پاکستان دے میری ٹائم سیکٹراچ ݙو بلین ڈالردی سرمایہ کاری کریسی، اے ایں ڳالھ دا ثبوت اے جو ٻاہرلے س??مایہ کار پاکستان تے اعتماد کریندے پئن ، انہاں آکھیے سی پیک دی کامیابی وی ساݙی پورٹس نال جڑی اے گوادر اتے کراچی سودھے س??ری پورٹس دی اپ گریڈیشن دا عمل جاری اے۔ ملائیشین امپورٹرز اتے ایکسپورٹرز کوں یقین ݙوینداں جو پورٹس متعلق تساکوں کہیں قسم دی شکایت دا موقع نہ ملسی۔ وفاقی وزیر اجلاس اچ شرکت کرݨ تے ملائیشن کمپنیاں دے نمائندیں دا شکریہ ادا کیتے تے آکھیے جو ملائیشن وزیراعظم دے دورہ پاکستان توں ٻہوں خوشی تھئی اے ، انھاں امید ظاہر کیتی جو ݙوہیں ملک میری ٹائم سودھے ہر سیکٹر اچ ھک ݙوجھے نال تعاون کریسن۔
