فیصل آباد۔23اکتوبر (اے پی پی):وزیر مملکت اطلاعات و نشریات فرخ حبیب آکھیے جو پی ڈی ایم دا احتجاج عوام کوں بیوقوف بݨاوݨ دی ناکام کوشش اے کیوں جو لوکاں کوں سارے حالات دا چنڳی طرح پتہ اے اتے انہاں کوں اے وی پتہ اے جو ملک اچ آوݨ آلی مہانگ دی اڄوکی لہر کورونا توں پیدا تھیوݨ آلے عالمی حالات دا نتیجہ اے، پوری دنیا ایندے توں متاثر تھئی اے اتے پاکستان وی ایں دنیا دا ہی حصہ اے ایں کیتے ایندے اثرات اساݙے ملک تے وی پئن ، باقی دنیا دی نسبت اساں گھٹ توں گھٹ ٻوجھ عوام تے سٹیے اتے آپݨے محصولات و ٹیکسز اچ جیں قدر ممکن تھی سڳیا گھٹکی کیتی اے ۔او ہفتے دی شام رسالہ 12 فیصل آباد اچ واٹر فلٹریشن پلانٹ، پارک دی تزئین و آرائش، ڈسپنسری دی تعمیر و بحالی،سٹریٹ پول لائٹس، سڑکاں دی تعمیر و بحالی دے منصوبیں دی افتتاحی تقریب دے موقع تے میڈیا نال ڳال مہاڑ کریندے پئے ہن ، انہاں آکھیے جو پی ڈی ایم سیاسی بیروزگاراں دا سرکس اے جیں دا مداریاں ملک دا بیڑا غرق کرݙتے ۔
سیاسی بیروزگاراں دے ٹولے پی ڈی ایم توں کوئی خطرہ کائنی ،حکومت آئینی مدت پوری کریسی ،وزیر مملکت اطلاعات و نشریات فرخ حبیب
مضمون کا ماخذ : گنہر نا لوٹیریا
متعلقہ مضامین
