اسلام آباد۔20اکتوبر (اے پی پی):وفاقی وزیر اقتصادی امور عمر ایوب خان غربت مکاوݨ اتے پائیدار ترقی کیتے مشترکہ کوششاں اچ ودھارے تے زور ݙیندے ہوئیں آکھیے جو پائیدار ترقی دے اہداف دے حصول اچ نجی شعبے دی شمولیت اہم اے،احساس پروگرام غربت مکاوݨ اچ اہم کردار ادا کریندا پئے ، پاکستان ھک ابھردی ہوئی معیشت دے طور تے ٹرانسپورٹ ، ڈیجیٹل رسائی ، صاف پاݨی اتے صحت دے شعبیں اچ 96 بلین ڈالر دی نجی سرمایہ کاری دے موقع رکھیندے ۔ اے ڳال انہاں بدھ کوں اقوام متحدہ دے اقتصادی اتے سماجی کمیشن ایشیا اتے بحرالکاہل (یو این ای ایس سی اے پی )دے آن لائن اجلاس توں خطاب کریندے ہوئیں آکھی اے ، انڈونیشیا ، تھائی لینڈ ، بھوٹان اتے بنگلہ دیش دے وزرائے خزانہ وی افتتاحی اجلاس اچ شرکت کیتی ۔یو این ای ایس سی اے پی دی کمیٹی میکرو اکنامکس پالیسی ، پاور ریڈکشن اینڈ فنانسنگ فارڈویلپمنٹ توں آپݨی تقریر دے دوران وزیر عمر ایوب خان غربت مکاوݨ دیاں پالیسیاں کوں قومی ایکشن پلان اچ شامل کرݨ تے زور ݙیندے ہوئیں آکھیے جو کامیاب حکومتی پالیسیاں دے نتیجے اچ پاکستان دی گلوبل ہنگر انڈیکس 2021 اچ درجه بندى بہتر تھئی اے ۔
غربت مکاوݨ اتے پائیدار ترقی کیتے مشترکہ کوششاں کوں ودھاوݨ دی لوڑھ اے ،عمر ایوب خان
مضمون کا ماخذ : números sorteados lotomania
متعلقہ مضامین
