اسلام آباد۔11اکتوبر(اے پی پی)وزیراعظم عمران خان آکھیے جو معدنیات دا شعبہ مجموعی معاشی ترقی اچ وݙا ہتھ ونݙا سڳدے، ایں شعبے دی ترقی کیتے ودھ اقدامات دی لوڑھ اے۔ او اسلام آباد اچ معدنیات دے شعبہ دی ترقی سانڳے فریم ورک بارے اعلیٰ سطح اجلاس دی اڳواݨی کریندے پئے ہن۔ وزیراعظم عمران خان آکھیا جو معدنیات دا شعبہ اچ ودھ صلاحیتاں ہن جو او روزگار دے مواقع، سرمایہ کاری، زر مبادلہ اتے منافع ݙیوے، ایندے نال مجموعی ترقی ودھسی، وفاق اتے صوبائی حکومتاں معدنی ترقی کیتے کٹھے اقدامات کرن، ایں سانڳے معدنیات دے شعبہ دی ترقی سانڳے فریم کوں فعال ٻݨاوݨ کیتے رابطہ کاری کیتے فوکل پرسن لائے ونڄن، فریم ورک دے اہداف اتے مقاصد طے کرتے ایکوں ویلھے تے توڑ پچایا ونڄے۔ ایں توں پہلے سیکرٹری پٹرولیم معدنیات دی ترقی کیتے تزویراتی منصوبہ تے بریفنگ ݙتی۔ اجلاس اچ وفاقی وزراء شوکت ترین، محمد حماد اظہر، اسد عمر، مشیر تجارت عبدالرزاق دائود، معاون خصوصی ڈاکٹر شہبازگل، ڈی جی ایف ڈبلیو او اتے وفاقی و صوبائی حکومتاں دے اعلیٰ حکام شریک ہن۔
معدنیات دا شعبہ مجموعی معاشی ترقی اچ وݙا ہتھ ونݙا سڳدے، وزیراعظم عمران خان دا اجلاس نال خطاب
مضمون کا ماخذ : اسکریچ کارڈز خریدیں
متعلقہ مضامین
