کلرسیداں(راولپنڈی)۔10فروری (اے پی پی):وزیراعظم عمران خان آکھیے جو کمزور طبقے کوں مالی معاونت ݙیوݨ حکومت دی ذمے واری اے ، احسان کائنی. ، مستحق لوکاں کوں آپݨے پیراں تے کھڑا کݨ تے چھوٹے کاروبار کیتے مدد کریسوں ، مستحقین تئیں انہاں دا حق پڄاوݨ کیتے شفاف طریقہ کار اختیار کیتا ڳئے ، غیر مستحق لوکاں کوں احساس پروگرام دی فہرست توں کڈھ ݙتا ڳئے ، مفت علاج کیتے کمزور طبقے کوں ہیلتھ کارڈ دی سہولت وی ݙیندے پیوں، نیا پاکستان ہائوسنگ سکیم تے کم جاری اے ، این جی او دے نال رل تے مستحقین کوں چھت ݙتی ویسی، احساس کفالت پروگرام دے ݙوجھے مرحلے اچ 70 لکھ مستحق خانداناں اچ منصفانہ طریقے نال رقم ݙتی ویسی ۔ اے ڳالھ انہاں ٻدھ کوں کلر سیداں اچ احساس کفالت پروگرام دے ݙوجھے مرحلے دے آغاز دے موقع تے مستحقین نال ڳالھ مہاڑ کریندے ہوئیں آکھی اے ۔ ایں موقع تے وزیراعظم دی معاون خصوصی تخفیف غربت و سماجی تحفظ ڈاکٹر ثانیہ نشتر وی موجود ہن۔ وزیراعظم عمران خان آکھیے جو احساس پروگرام دے تحت مالی معاونت دی معاشرے دے کمزور طبقے اتے مستحق لوکاں کوں فراہمی حکومت دا احسان کائنی بلکہ فرض اے
