ایں ویلھے ملک اچ 136 ہسپتالاں اچ 3300 وینٹی لیٹرز دس??یاب ہن ، 49 ہزار 500 حفاظتی کٹس پہلے ہی سارے صوبیں دے مختلف ہسپتالاں اچ ڈتیاں گئن ، مزید کٹس دی فراہمی آندے ہک ڈو ڈینھ اچ مکمل کر گھدی ویسی ، ملک اچ روزانہ دی بنیاد تے کورونا ٹیس?? دی استعداد اچ ودھارا کرنڑ تے خصوصی توجہ ڈتی ویندی پئی اے ، اجلاس کوں بریفنگ
اسلام آباد ۔ 6 اپریل (اے پی پی) وزیراعظم عمران خان آکھیے جو کورونا وباءدے خلاف ڈاکٹر اتے میڈیکل سٹاف اساڈا ہر اول دس??ہ اے ، ڈاکٹرز اتے طبی عملے کوں ہر حال اچ تے ترجیحی بنیاداں تے حفاظتی سامان فراہم ڈیونڑ حکومت دی ترجیح اے ۔ وزیراعظم تعمیراتی شعبے دی بحالی دے ثمرات تلویں طبقے خصوصاً مزدوراں تئیں پجاونڑ کوں یقینی بنڑاونڑ دی ہدایت وی کیتی ۔اے گال انہاں ملک اچ کورونا وائرس دی صورتحال دے حوالے نال جائزہ اجلاس دی صدارت کریندے ہو??یں آکھی اے ۔ اجلاس اچ وفاقی وزراءاسد عمر، مخدوم خسرو بختیار، محمد حماد اظہر، مشیر خزانہ ڈاکٹر عبدالحفیظ شیخ، معاونین خصوصی ڈاکٹر فردوس عاشق اعوان، ڈاکٹر ظفر مرزا، ڈاکٹر معید یوسف، چیئرمین این ڈی ایم اے لیفٹننٹ جنرل محمد افضل اتے سینئر افسران شریک ہن پئے ۔ اجلاس اچ وزیراعظم دے معاون خصوصی صحت ڈاکٹر ظفر مرزا اتے چیئرمین این ڈی ایم اے لیفٹیننٹ جنرل محمد افضل وزیرِ اعظم کوں کورونا وائرس دی تازہ ترین صورتحال اتے کورونا متاثرین دی نگہداشت دے حوالے نال انتظامات تے تفصیلی بریفنگ ڈتی ۔بریفنگ اچ ڈسایا گئے جو ایںویلھے ملک اچ 136 ہسپتالاں اچ 3300 وینٹی لیٹرز دس??یاب ہن، ہسپتالاں اچ ڈاکٹراں اتے طبی عملے کیتے حفاظتی کٹس دی وختی فراہمی کوں یقینی بنڑاونڑ کیتے این ڈی ایم اے ہسپتالاں دی انتظامیہ نال براہ راست رابطہ استوار کر گھدے ۔ چیئرمین این ڈی ایم اے بریفنگ ڈیندے ہو??یں وزیر اعظم کوں ڈسائے جو 49 ہزار 500 حفاظتی کٹس پہلے ہی سارے صوبے دے ہسپتالاں اچ ڈتیاں گئن ۔ مزید کٹس دی ہسپتالاں کوں فراہمی آندے ہک ڈو ڈینھ اچ مکمل کر گھدی ویسی ۔وزیرِ اعظم کوں ڈسایا گئے جو این ڈی ایم اے ڈے حفاظتی کٹس اتے ماسکس دی کوئی کمی کائنی ، اساڈا ہدف مطلوبہ تعداد اچ وینٹی لیٹرز دی دس??یابی کوں یقینی بنڑاونڑ اے جیں کیتے ہنگامی بنیاداں تے اقدامات جاری ہن ۔ شرکاءکوں ڈسایا گئے جو ملک اچ روزانہ دی بنیاد تے کورونا ٹیس?? دی استعداد ودھاونڑ دے خصوصی توجہ ڈتی پئی اے تے ایں سلسلے اچ ترجیحی بنیاداں تے اقدامات کیتے ویندے پئن ۔ایندے نال نال تکنیکی عملے دی دس??یابی اتے انہاں دی تربیت دے حوالے نال وی خصوصی اقدامات کیتے ویندے پئن ۔ وزیراعظم عمران خان اجلاس نال خطاب کریندے ہو??یں آکھیے جو کورونا جیہی وبا دے خلاف ڈاکٹر اتے میڈیکل سٹاف اساڈا ہر اول دس??ہ اے، ڈاکٹرز اتے طبی عملے کوں ہر حال اچ تے ترجیحی بنیاداں تے انہاں دیاں ضرورتاں دے مطابق حفاظتی سامان ڈیونڑ حکومت دی ترجیح اے ۔ایں ضمن اچ ہر ممکن اقدامات کیتے ویسن ۔ وزیر منصوبہ بندی اسد عمر ترقیاتی منصوبیں تے معاشی سرگرمیاں دی روانی دے حوالے نال اقدامات تے بریفنگ ڈتی۔ کورونا وائرس دی صورتحال دے تناظر اچ ملک اچ معاشی سرگرمیاں کوں رواں رکھنڑ خصوصاً غریب عوام کوں ریلیف ڈیونڑ دے حوالے نال تعمیراتی شعبے کیتے وزیرِ اعظم ولوں اعلان کیتے گئے جامع پیکیج تے گال کریندے ہو??یں وزیرِ اعظم ہدایت کیتی جو ایں شعبے دی بحالی دے ثمرات تلویں طبقے خصوصا مزدوراں تئیں پجاونڑ کوں یقینی بنڑایا ونجے ۔ وزیراعظم ہدایت کیتی جو پبلک سیکٹر ڈویلپمنٹ پروگرام دے فنڈز دا استعمال انہاں منصوبیں تے کیتا ونجے جیں نال چھوٹے درجے تے درمیانے درجے دیاں صنعتاں وابستہ ہن ۔
کورونا وباءدے خلاف ڈاکٹر اتے میڈیکل سٹاف اساڈا ہر اول دستہ اے ، ڈاکٹرز اتے طبی عملے کوں ہر حال اچ تے ترجیحی بنیاداں تے حفاظتی سامان فراہم ڈیونڑ حکومت دی ترجیح اے ، وزیراعظم عمران خان دا ملک اچ کورونا وائرس دی صورتحال دے حوالے نال جائزہ اجلاس توں خطاب
مضمون کا ماخذ : sorteos da loteria
متعلقہ مضامین
