اسلام آباد – 23 اپريل (اي پي پي) وزيراعظم عمران خان جي اطلاعات ۽ نشريات بابت خصوصي معاون ڊاڪٽر فردوس عاق اعواڻ چيو آهي ته بلاول ڀٽو زرداري جي سياسي فلم اسڪرين تي اچڻ کان اڳ ئي فلاپ ٿي چڪي آهي، پيپلزپارٽي سنڌ مان به ختم ٿي رهي آهي، رڙين ۽ روڄ راڙي سان انهن جي ختم ٿيندڙ سياست زندهه نه ٿي رهي سگهي، ڪرپشن جي پئسن سان ٻاهرئين ملڪ اعليٰ ادارن ۾ تعليم حاصل ڪندڙن کي پنهنجي ڦرلٽ نظر نه ٿي اچي. وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ پاڪستان پيپلزپارٽي جي چيئرمين بلاول ڀٽو زرداري جي ٽوئيٽ تي ردعمل ۾ چيو ته وزيراعظم عمران خان ملڪن جي وچ ۾ معاشي ۽ اقتصادي تعاون جي ڳالهه ڪئي آهي، ان جي ان ڳالهه کي سياسي پارٽين پاران سياسي پوائنٽ اسڪورنگ جي لاءِ استعمال ڪرڻ افسوسناڪ ۽ مذمت جوڳو آهي.
مضمون کا ماخذ : estatisticas para ganhar na loteria
