اسلام آباد – 26 فيبروري (اي پي پي) پرڏيهي سيڪريٽري اعزاز چوڌري معاشي سهڪاري تنظيم (اي سي او) جي ميمبر ملڪن جي وچ ۾ تيز پهچ ۽ عوام جي چرپر جي لاءِ جديد ۽ عالمي معيار جو بنيادي ڍانچو قائم ڪرڻ جي ضرورت تي زور ڏنو آهي. اسلام آباد ۾ شروع ٿيندڙ اي سي او جي اعليٰ سطحي اجلاس کي خطاب ڪندي هن چيو ته پاڪستان سدائين معاشي سهڪاري تنظيم (اي سي او) کي اهيمت جي نگاهه سان ڏٺو آهي ۽ تنظيم جا مقصد حاصل ڪرڻ جي لاءِ پنهنجو موثر ڪردار ادا ڪيو آهي. هن چيو ته پاڪ چين اقتصادي لنگهه هڪ عظيم منصوبو آهي جنهن سان اي سي او جا بنيادي مقصد حاصل ڪرڻ ۾ مدد ملندي ۽ پوري خطي کي فائدو ٿيندو.
مضمون کا ماخذ : لوٹیریا کا نتیجہ
