اسلام آباد۔24فروری(اے پی پی)وزیراعلی پنجاب دی معاون خصوصی برائے اطلاعات تے نشریات ڈاکٹر فردوس عاشق آکھے جو ”ڈیجیٹل پنجاب ویژن” دے خواب کوں حقیقت ݙیوݨ کیتے کم کریندے پئے ہیں، جیندے تحت حکومت سکولاں دی سطح تے آئی ٹی دی تعلیم کوں اڳو تے ودھیندی پئی اے۔ نجی ٹی وی چینل نال گالھ مہاڑ اچ انھاں آکھے جو پاکستان دی آبادی اچ ودھ تعداد نینگراں دی اے ایں سانڳے حکومت انھاں کوں جدید ترین علم اتے صلاحیتاں ݙیوݨ کیتے وی کم کریندی پئی اے ، صوبائی حکومت وفاقی حکومت دے تعلیم دے شعبے اچ اصلاحات گھن آونڑ سانگے ایجنڈے دے مطابق آئی ٹی دے شعبے آلے نویں سکول اتے یونیورسٹیاں بنڑاوݨ تے کم شروع کرڈتے ۔آئی ٹی دی تعلیم کوں ودھاوݨ سانڳے ملازمت دے اہداف گھنݨ اچ سوکھ تھیسی، تلویں درجے دے ملازماں دے ٻال وی میرٹ تے وظیفے ڳھنسن، ملک اچ 9 نویاں یونیورسٹیاں ، کالج اتےاسکول وی بݨائے ویندے پئین ۔
اساں ”ڈیجیٹل پنجاب ویزن” دے خواب کوں حقیقت اچ بدلنڑ ویندے پئے ہیں، معاون خصوصی ڈاکٹر فردوس عاشق
مضمون کا ماخذ : ریل رش
متعلقہ مضامین
