لاہور۔15فروری(اے پی پی) وزیراعلیٰ سردار عثمان بزدار دے زیر صدارت پنجاب کابینہ دے اجلاس اچ ڳھٹ آمدن آلیاں کیتے 35 ہزار اپارٹمنٹس بݨاوݨ دی منظوری ݙتی ڳئی اے۔ اجلاس اچ ایل ڈی اے سٹی نیا پاکستان اپارٹمنٹس اچ فلیٹاں دی الاٹمنٹ دے طریقہ کار دی منظوری وی ݙتی گئی۔ پہلے مرحلے اچ ایل ڈی اے سٹی اچ 4 ہزار اپارٹمنٹس ٻݨسن۔ ہک فلیٹ دی قیمت 27 لکھ روپے ہوسی۔ اپارٹمنٹس اچ 50 فیصد کوٹہ عوام کیتے ہوسی۔ وزیراعلیٰ پنجاب صحافی اتے وکلا برادری کیتے وی انہاں اپارٹمنٹس اچ کوٹہ ݙیوݨ دی ہدایت کیتی۔اجلاس توں بعد میڈٰیا بریفنگ اچ معاون خصوصی فردوس عاشق اعوان آکھیے جو فیصلے توں بعد ڳھٹ آمدن آلے لوک وی اپݨا گھر بݨا سگسن، اے اپارٹمنٹس 20 سال دیاں سوکھیاں شرطاں تے ݙتے ویسن، کابینہ درجہ چہارم دے ملازمین کوں اگلے گریڈ اچ ترقی دی وی منظوری ݙتی اے، محکمہ بہبود آبادی دے ڈاکٹرز کوں وی خصوصی الاؤنس ݙتا ویسی ڄݙاں جو پنجاب اچ ٻئے 2 سیمنٹ پلانٹ لائے ویسن۔ فردوس عاشق اعوان آکھیا جو پی ڈی ایم دا بیانیہ اتے ہر حکمت عملی ناکام تھی گئی اے، مریم باھرو ونڄݨ دے بہانے ڳلیندی ودی اے بھل کرپشن دی سرجری عمران خان دے ہتھو ہی تھیسی، ٻوریاں اچ پووݨ آلا پیسہ ہݨ باھرو آوݨ آلا اے۔
پنجاب کابینہ دا اجلاس، ڳھٹ آمدن آلیاں کیتے 35 ہزار اپارٹمنٹس بݨاوݨ دی منظوری
مضمون کا ماخذ : بہت کچھ
متعلقہ مضامین
