اسلام آباد۔6فروری(اے پی پی):وزیر خارجہ مخدوم شاہ محمود قریشی آکھیے جو 5 اگست 2019 دے بعد جموں وکشمیر تے ’او۔آئی۔سی‘رابطہ گروپ ترائے اجلاس منعقد کیتے او۔آئی۔سی‘ دی طرفوں بھارت کوں ہک مٹھ سیاسی پیغام ݙیوݨ ٻہوں ناگزیر اے۔ہفتے کوں نیویارک اچ منعقدہ جموں وکشمیر تے ’او۔آئی۔سی‘ رابطہ گروپ دے سفراء اجلاس توں بذریعہ ویڈیو لنک خطاب کریندے ہوئیں وزیر خارجہ آکھیے جو رابطہ گروپ دی نیویارک شاخ مسئلہ کشمیر کوں اقوام متحدہ سودھے ٻئے فورمز تے چاوݨ اچ نمایاں کردار ادا کریندی پئی اے ۔ میں جموں وکشمیر دے مظلوم عوام نال یک جہتی اچ امت مسلمہ دی مشترکہ موثر آواز تشکیل ݙیوݨ اچ برادر ملکاں آزربائیجان، نائیجر، سعودی عرب اتے ترکی کوں خراج تحسین پیش کرینداں ۔نیامے اچ منعقد اڄوکی وزرا خارجہ کونسل اچ ’او۔آئی۔سی‘ ولوں ٹھوس اتے ݙوٹوک حمایت کشمیریاں کیتے انہاں دے منصفانہ، ناقابل تنسیخ اتے جائز استصواب رائے دے حق دے حصول دی جدوجہد اچ تقویت دا ھک اہم ذریعہ ثابت تھئی اے ۔
