اسلام آباد۔5فروری (اے پی پی):چیئرمین پارلیمانی کمیٹی کشمیر شہریار خان آفریدی یکجہتی کشمیر ݙینھ دے موقع تے عالمی برادری، امریکہ دے نویں منتخب صدر جو بائیڈن تے اقوام متحدہ دے سکریٹری جنرل توں مطالبہ کیتے جو او ہندوستان دے ہندوتوا حکومت تے دباؤ پاوے او کشمیر دے زیر حراست سیاسی قیدیاں کوں وختی چھوڑے وزیر اعظم عمران خان دے نال کوٹلی کیتے روانگی توں پہلے یوم یکجہتی کشمیر دے حوالے نال صحافیاں نال ڳالھ مہاڑ کریندے ہوئیں شہریار آفریدی آکھیے جو سید علی گیلانی ، مسرت عالم بھٹ ، میر واعظ عمر فاروق ، سید شبیر شاہ ، یاسین ملک ، اشرف صحرائی ، آسیہ اندرابی ، ناہیدہ نسرین ، فہمیدہ صوفی اتے ٻئے رہنما جیڑھے جو ہندوستان توں آزادی دی جنگ لڑدے پئن انہاں سارے سیاسی قیدیاں کوں وختی چھوڑیا ونڄے ۔انہاں آکھیے جو 5 اگست 2019 کوں بھارت آرٹیکل 370 اتے 35-A دا خاتمہ کرتے اقوام متحدہ دے بین الاقوامی انسانی حقوق دے قوانین اتے چارٹر دی خلاف ورزی کیتی جیں تے مودی دی ہندتوا حکومت کوں قانون دے تحت سزا ݙیوݨی چاہیدی اے
