اسلام آباد۔7دسمبر(اے پی پی)وزیراعظم عمران خان آکھیے جو سیالکوٹ واقعہ شرمناک اتے افسوسناک اے، مذہب دے ناں تے ظلم کرݨ آلیاں کوں نہ چھوڑیا ویسی، نبی کریمۖ ﷺ پوری انسانیت کیتے رحمت ٻݨ تے آئن، اسلام تلوار نال نئیں ہک فکری انقلاب نال کھنݙیے، عشق رسولۖ ثابت کرݨ دا بہترین طریقہ سنت تے چلݨ اے، جنھاں دین کوں استعمال کریندے ہوئے بالخصوص رحمۃ للعالمینۖ دے ناں تے ظلم کیتے او سزا توں نہ بچسن۔ اے ڳالھ ا??ہا?? اسلام آباد اچ سانحہ سیالکوٹ اچ جنونی جتھے ولوں مبینہ توہین مذہب دے الزام تے قتل تھیوݨ آلے سری منیجر پریا??تھ?? کمارا دی یاد اچ وزیراعظم ہاؤس اچ آنجہانی دے ٹٻر، سری لنک?? حکومت اتے عوام نال یکجہتی کرݨ دی تقریب نال خطاب کریندے آکھی۔ وزیراعظم آکھیا جو پاکستان اسلام دے ناں تے ٻݨݨ آلا کلہا ملک اے بھل سیالکوٹ جھیں سانحہ نال 90 لکھ بیرون ملک پاکستانی وی شرمسار تھین، اینڄھیاں حرکتاں نال اسلام بدنام تھیندا پئے۔ ا??ہا?? آکھیا جو انساناں دے معاشرے اچ انصاف تھیندے جانوراں دے معاشرے اچ کمزور دی کوئی ڄاہ نئیں ہوندی، دین دے ناں تے لوکاں کوں مار ݙیندن، ساڑ ݙیندن، اے کیہڑا انصاف اے جو تساں آپ ہی الزام لائو اتے آپ قتل کر ݙیوو، ایویں تاں کہیں معاشرے اچ نئیں تھیندا، ہݨ فیصلہ کر ڳھدے جو اڳو تے ایویں نہ تھیوݨ ݙتا ویسی۔ وزیراعظم آکھیا جو ساکوں ملک عدنان تے ماݨ اے جئیں سری لنکن شہری دی جان بچاوݨ کیتے اپݨی جان خطرے اچ پیندے ہوئے جرات اتے بہادری دی مثال پیش کیتی اے، ملک عدنان پورے جتھے اچ راہ حق تے حیواناں دے اڳو کلہا کھڑا ہا، امید اے جو نینگر ایکوں اپݨا رول ماڈل ٻݨیسن جو اخلاقی طاقت جسمانی قوت توں ودھ تکڑی ہوندی اے، ملک عدنان ??ار??ں ساݙا انسانیت تے اعتبار ودھیے، ملک عدنان کوں 23 مارچ تے تمغہ شجاعت ݙتا ویسی۔ وزیراعظم آکھیے جو اے پی ایس سانحہ آلی کار سیالکوٹ واقعہ دے بعد اڄ سارے پاکستان اے فیصلہ کیتے جو اساں اڳو تے اینڄھا کوئی ٻیا واقعہ نئیں تھیوݨ ݙیوݨا۔ ا??ہا?? پریا??تھ?? کمارا دے ٹبر کیتے ہک لکھ ڈالر ݙیوݨ اتے ہمیشہ کفالت کرݨ تے سیالکوٹ دے تجار برادری دے جذبے دی تعریف کیتی۔ وزیراعظم آکھیا جو پوری پاکستانی قوم نبی کریمۖ ﷺ نال عشق کریندی اے جیندا ثبوت ایں ݙویندے جو اساں آپۖ ﷺ دی ݙسی راہ تے ٹروں، نبی پاک دا سبق کڄھ ٻیا اے بھل اساں کہیں ٻئے پاسے ٹر پئے ہیں، تہوں اساں رحمت اللعالمین ات??ار??ی ٻݨائی اے جو نبی کریمۖ ﷺ دی حقیقی تعلیمات معاشرے کوں ݙ??اووں۔
سانحہ سیالکوٹ جھیں حرکت نال کہیں کوں منہ ݙکھاوݨ ڄوڳے نسے رہے، دین اتے حضورﷺ دے ناں تے ظلم کرݨ آلیاں کوں نہ چھڑیسوں، وزیراعطم عمران خان
مضمون کا ماخذ : کمپیوٹر لاٹری انعامات
متعلقہ مضامین
