نیویارک۔27ستمبر(اے پی پی)وفاقی وزیر اطلاعات، نشریات، قومی ورثہ و ثقافت عطاءاللہ تارڑ آکھیے جو سوشل میڈیا پلیٹ فارم ”ایکس“ تے پابندی غیر اعلانیہ نئیں، نگران دور حکومت اچ ایکس تے پابندی آزادی اظہار رائے کوں روکݨ کیتے نئیں قومی سلامتی پاروں لائی اے۔ اے ڳالھ انہاں نیویارک اچ وائس آف امریکہ نال الیندے آکھی۔ انہاں آکھیا جو علیحدگی پسند اتے د??شت گرد ??روپ ”ایکس“ پلیٹ فارم کوں ملک دے خلاف استعمال کریندے پن، بی ایل اے دے د??شت گرد اپݨی مہم ”ایکس“ تے چلیندن اتےس اریاں دہشتگرد سرگرمیاں ”ایکس“ تے لائیو پوسٹ کریندن،”ایکس“ تے پابندی دا معاملہ عدالت اچ ??یر سماعت اے، جیندے تے وزارت داخلہ اپݨا ولدا جمع کرا ݙتے۔ وزیر اطلاعات آکھیا جو دہشتگرد ??روپاں کوں سوشل میڈیا پلیٹ فارم دے غلط استعمال دی اجازت نئیں ݙتی ونڄ سڳدی، بطور پاکستانی اساں درخواست کر سڳدے ہیں جو انہاں د??شت گرداں دی کارروائیاں روکݨ کیتے اقدامات کیتے ونڄن، دہشتگرد لاشاں ݙھواوݨ، معصوم شہریاں دی رت وہاوݨ کیتے سوشل میڈیا دا غلط استعمال کریندن، انہاں کوں حق نئیں جو او سوشل میڈیا دا غلط استعمال کرن۔ وفاقی وزیر آکھیا جو سوشل میڈیا کیتے ملک اچ کوئی نہ کوئی نظام ہووݨا چاہیدے، پہلے ویب مینجمنٹ سسٹم ہا جیندے نا?? سائبر سیکورٹی اتے ڈیٹا سیکورٹی اچ کوئی حرج نئیں، ڈیجیٹل رائٹس پروٹیکشن اتھارٹی ڄھیاں فورم ہووݨا چاہیدے جتھاں عوام اپݨیاں شکایات درج کرا سڳن، ایں سانڳے کابینہ اچ ہک قانون آیا ھا، کابینہ اے معاملہ موخر کر ݙتے اتے قانون سانڳے سارے فریقاں ڄیویں صحافتی تنظیماں، میڈیا ہائوسز، پی ایف یو جے اتے پولیٹیکل پارٹیاں نال صلاح مشورے دا آکھیے تاں جو موثر قانون سازی ہووے اتے ایندے تے عملدرآمد وی سوکھے ہووے، بطور سیاسی کارکن آکھساں جو”ایکس“ کھلݨا چاہیدے، ایندے تے پابندی دا مسئلہ صرف کمپلائنس دا اے، ایکس نال کمپلائنس دے معاملات چنڳے تھی ونڄن تاں اے معاملہ حل تھی سڳدے۔
ایکس تے پابندی آزادی اظہار رائے کوں روکݨ کیتے نئیں قومی سلامتی پاروں لائی اے، وفاقی وزیر اطلاعات عطاءاللہ تارڑ دی وائس آف امریکہ نال ڳالھ مہاڑ
مضمون کا ماخذ : پاور بال کے نتائج
متعلقہ مضامین
