اسلام آباد – 24 آڪٽوبر (اي پي پي) وزيراعظم شاهد خاقان عباسي چيو آهي ته پاڪستان دهشتگردي جي خلاف جنگ ۾ پرعزم آهي، آمريڪا سان اقتصادي لاڳاپن ۾ اضافو ۽ دهشتگردي جي خاتمي لاءِ ٻطرفن لاڳاپن کي وڌائڻ چاهيون ٿا جڏهن ته آمريڪي پرڏيهي وزير ريڪس ٽلرسن چيو آهي ته خطي ۾ امن ۽ سلامتي جي لاءِ پاڪستان جو ڪردار انتهائي اهم آهي. وزيراعظم هائوس پاران جاري پڌرائي موجب وزيراعظم شاهد خاقان عباسي سان پاڪستان جي هڪ ڏينهن جي دوري تي آيل آمريڪي پرڏيهي وزير ريڪس ٽلرسن پنهنجي وفد سان گڏ ملاقات ڪئي. ملاقات ۾ دفاع وارو وفاقي وزير خرم دستگير، پرڏيهي وزير خواجه محمد آصف، گهرو وزير احسن اقبال، آرمي چيف جنرل قمر جاويد باجوه ۽ ڊي جي آءِ ايس آءِ ليفٽيننٽ جنرل نويد مختار ۽ پرڏيهي سيڪريٽري تهمينه جنجوعه سميت اعليٰ عملدار شريڪ هئا.
مضمون کا ماخذ : پھل اور سات
