اسلام آباد 25 مئي (اے پي پي) پاکستان په سرينګر كښې د جي-20 غونډه كښې په ګډون نه كولو چين، سعودي عرب، ترکيه، مصر او د اومان په غوره ټكو ستائنه كولو سره وئيلي دي دا هېوادونه نړيوال قانون او د ملګرو ملتونو چارټر سره اودرېدلي٬ پاكستان به د ملګرو ملتونو د سلامتي كونسل د اړوندو قراردادونو له مخې د كشميريانو د خپلواكۍ د ناقابل تنسيخ حق ترلاسه كولو له سپېځلو هلو ځلو كښې اخلاقي٬ سياسي او سفارتي ملاتړ روان ساتي۔ د خارجه دفتر وياندې ممتاز زهره بلوچ د زيارت په ورځ پرېس بريفنګ كښې د جي-20 ټورازم وركنګ ګروپ غونډې كوربتوب كولو د هند اقدام بېخي مسترد كولو سره وئيلي دي مقبوضه جمو و كشمير په نړيواله كچه تسليم شوې شخړيزه سيمه ده٬ دا شخړه د اوو لسيزو نه د زياتې مودې راهسې د ملګرو ملتونو د سلامتي كونسل په اېجنډا پرته ده ٬ په دې پس منظر كښې هند د ملګرو ملتونو د سلامتي كونسل د اړوندو قراردادونو، د ملګرو ملتونو د چارټر د اصولو او د نړيوال قوانين په بشپړه توګه نظر انداز كولو سره پخپل غېر قانوني تسلط لاندې جمو و كشمير كښې د غونډې كوربتوب كړے۔ وياندې ووئيل د جي -20 غونډه په شخړيزه سيمه كښې كول د هند په غېر قانوني تسلط لاندې جمو و كشمير اولس سره غداري ده، دې ووئېل د تېرو اوو لسيزو راهسې ھغوي په دې انتظار دي چې نړيواله ورورولي به د دوي حالت زار ته پام لرنه وكړي اود قبضې او د بشري حقونو د خلاف ورزو به خاتمه وكړي۔ دې ووئيل ځائي آبادي يرغمال كولو او دوي د حقونو او آزادۍ نه محرومولو سره سېلګرۍ او پرمختګ ته وده نشي وركړې كېدې۔ وياندې ووئيل په سرينګر كښې د جي 20 غونډه كولو سره هند په مقبوصه كشمير كښې د خپلې غېر قانوني قبضې او په كشميري اولس د ظلم او جبر حقيقت نشي پټولے۔ وياندې د هند د كشمير حالات د معمول له مخې ګرځولو ادعاګانې مسترد كولو سره وئيلي دي تريخ حقيقت دا دے چې د هند په غېر قانوني تسلط لاندې جمو و كشمير د دنيا په مخ تر ټولو لوئې د پوځي اجتماع لرونكې سيمه ده٬ دې ووئيل د سرينګر خوا اوشا كښې سخت حفاظتي اقدامات٬ په لويه كچه ګرفتارۍ او ځائي آبادي ځورول په نوې آبادۍ لرونكې سيمه كښې د معمول د حالاتو ترديد كوي۔ وياندې ووئيل هند د خپل غېر قانوني تسلط لاندې جمو و كشمير كښې حالات د معمول له مخې په ادعاګانو كښې په واضح توګه پاتې راغلے ، لكه څنګه چې د سرينګر په غونډه كښې د لاندې كچ نمائندګۍ او د يو شمېر مهمو رابللے شوو نمائندګانو د نشتوالي څخه څرګندېږي۔ دې د سرينګر په غونډه كښې په ګډون نه كولو د عوامي جمهوريه چين، سعودي عرب، جمهوريه ترکيه، عرب جمهوريه مصر او سلطنت اومان ستائنه كولو سره ووئيل دا هېوادونه د نړيوال قانون او د ملګرو ملتونو د چارټر بر لاسي سره اودرېدلې ۔ وياندې واضح كړه چې د جي 20 جوړېدل په بنيادي توګه د نړيوال مالياتي او د اقتصادي مسئلو مخنيوي لپاره وٶ، هند پخپل غېر قانوني تسلط لاندې سيمه كښې په غونډه كولو په يو بل نړيوال فورم سياست كړے او هند خپله ذاتي اېجنډا مخ په وړاندې بوتللو لپاره د چيئرمين په حېث د خپل حېثيت ن هناجائزه ګټه پورته كوي۔ ده ووئيل د دې په ځاے هند له نړيوالې ميډيا او د بشري حقونو تنظيمونو ته خپل غېر قانوني تسلط لاندې جمو و كشمير په صورتحال رپورټ وركولو لپاره د كوم خنډ نه غېر رسنه وركول پكار ده او هلته د جاري جبر خاتمې له د ملګرو ملتونو انكوائري كمېشن جوړولو سره اتفاق كول پكار دے او د كشمير اولس لپاره د ملګرو ملتونو په نګرانۍ كښې د استصواب رائے حق كول پكار دے دغسې چې ھغوي د خپل سباٶن پخپله تعين وكړي۔ وياندې ووئيل پاكستان به د ملګرو ملتونو د سلامتي كونسل اړوندو قراردادونو له مخې د كشميريانو د خپلواكۍ د ناقابل تنسيخ حق ترلاسه كولو له د سپېځلو هلو ځلو كښې اخلاقي٬ سياسي او سفارتي ملاتړ روان ساتي ۔ د خارجه دفتر وياندې ووئيل د مئي په 22مه نيټه خارجه وزير بلاول بھټو زرداري د آزاد جمو و کشمير قانون ساز اسمبلۍ ته وېنا كړې او په دې ھغه د آزاد جمو و کشمير قانون ساز اسمبلۍ ته وېنا كونكے د پاكستان وړومبے خارجه وزير دے۔ وياندې ووئيل خارجه وزير خپلې وېنا كښې د کشميري اولس همت ته سلام كولو سره شهيدانو ته پېرزوئنې وړاندې كړي۔ دغسې خارجه دفتر وياندې ممتاز زهره بلوچ لائن آف كنټرول سره نزدې د مېشته آبادۍ سره د مخلصانه همدردۍ څرګندونه او كشميري اولس سره د پاكستان د اوږدې مودې تړون او يووالي پخلے وكړو
چين، سعودي عرب، ترکيه، مصر او اومان په سرينګر كښې جي۔20 غونډه كښې په ګډون نه كولو د نړيوال قانون او د ملګرو ملتونو د چارټر سره اودرېدل۔ د خارجه دفتر ويانده
مضمون کا ماخذ : میگا ملینز کا جیک پاٹ
متعلقہ مضامین
