اسلام آباد۔15اکتوبر(اے پی پی)وزیر اعظم محمد شہباز شریف پاکستان اتے قا??قستان وچال تجارت، سرمایہ کا??ی ودھاوݨ، علاقائی روابط اتے سلامتی کیتے رل تے کم کرݨ تے زور ݙتے۔ وزیراعظم شہباز شریف نال شنگھائی تعاون تنظیم کونسل آف ہیڈز آف گورنمنٹ (سی ایچ جی) اجلاس دے موقع تے جمہوریہ قا??قستان دے وزیر اعظم اولژاس بیک تینوف ملین۔ وزیر اعظم قا??قستان دے وزیراعظم دے آوݨ تے خوش آمدید آہدے شنگھائی تعاون تنظیم دے اصولاں اتے مقاصد اڳو تے ودھاوݨ کیتے تنظیم دے سارے رکن ملکاں نال رل تے کم کرݨ دے پاکستان دا عزم دوہرائے۔ ایں سانڳے وزیر اعظم ایں سال جولائی اچ شنگھائی تعاون تنظیم دے سربراہان مملکت دے اجلاس کیتے اپݨے آستانہ دے دورے دا ذکر کریندے شنگھائی تعاون تنظیم دے ملکاں وچال تعاون تکڑا کرݨ کیتے قا??قستان دے تعاون دی تعریف کیتی۔ آپسی ݙوطرفہ تعلقات دا ذکر کریندے وزیراعظم ݙوطرفہ تجارت و سرمایہ کا??ی ودھاوݨ، علاقائی روابط اتے سلامتی کیتے کم کرݨ تے زور ݙتے۔ وزیراعظم ݙو طرفہ شراکت داری دے ادارہ جاتی میکانزم دے ذریعے باقاعدہ اتے اعلیٰ سطح رابطے برقرار رکھݨ تے زور ݙین??ے زراعت اتے تجارت دے مشترکہ ورکنگ گروپس دے اجلاس تیکھے سݙݨ دا آکھیے۔ قا??قستان دے وزیر اعظم پاکستان اچ شنگھائی تعاون تنظیم دے سربراہی اجلاس دے کامیاب انعقاد تے وزیر اعظم کوں مبارک ݙیندے ایں سانڳے پاکستان دے مثبت کردار دی تعریف کیتی۔ انہاں علاقائی روابط، تجارت اتے ترقی ودھاوݨ کیتے قا??قستان دے بطور شنگھائی تعاون تنظیم دے رکن اتے ݙوطرفہ طور تے پاکستان نال رل تے کم کرݨ دا عزم دوہریندے آکھیے جو قا??قستان پاکستان کوں جنوبی ایشیاء اچ ہک وݙے تجارتی شراکت دار سمجھدے۔ فریقین مستقبل اچ ݙوطرفہ تجارت ودھاوݨ کیتے رل تے کم کرݨ تے اتفاق کیتے۔
وزیر اعظم شہباز شریف دا پاکستان اتے قازقستان وچال تجارت، سرمایہ کاری ودھاوݨ، علاقائی روابط اتے سلامتی کیتے رل تے کم کرݨ تے زور
مضمون کا ماخذ : کمپیوٹر لاٹری کے اعدادوشمار
متعلقہ مضامین
