دوبئی ۔23اکتوبر (اے پی پی):وفاقی وزیر اطلاعات و نشریات چوہدری فواد حسین آکھیے جو پاکستان افغانستان اچ امن و استحکام چاہندے ، افغان حکومت کوں یکطرفہ طور تے کائناں منیسوں ، افغانستان دی صورتحال براہ راست پاکستان تے اثر انداز تھیندی اے ، بھارت دے نال تعلقات اچ بہتری کیتے ساریں توں وݙی رکاوٹ نریندر مودی ہن، جے بھارت نال ساݙے تعلقات بہتر تھیندن تاں پاکستان ݙو وݙیاں منڈیاں دے درمیان ہوسی، کورونا وباء پاروں پوری دنیا اچ ضروری چیزاں دیاں قیمتاں ودھیاں ،اڄوکے سال کݨک تے گنے دی ریکارڈ پیداوار تھئی اے ، زرعی معیشت اچ 1100 ارب روپے منتقل تھئن ، ٹیکسٹائل دی صنعت کوں ودھارا تھیندا پئے ، اساں کنے 2023ءتئیں ٹیکسٹائل دے مزید آرڈرز گھنݨ دی گنجائش کائنی، تعمیرات دے شعبہ اچ وی ریکارڈ سرمایہ کاری تھئی اے ۔ اے ڳال انہاں ہفتہ کوں اتھاں پریس کانفرنس توں خطاب کریندے ہوئیں آکھی اے ، وفاقی وزیر اطلاعات آکھیے جو افغانستان اچ امن و استحکام اساݙی خواہش اے، افغانستان دی صورتحال براہ راست پاکستان تے اثر انداز تھیندی اے ۔ انہاں آکھیے اساݙی کوشش اے جو افغانستان اچ طالبان حکومت کوں سہارا ݙیوں ، افغانستان اچ امن کیتے ساݙیاں کوششاں جاری ہن ، اساں طالبان کوں جامع حکومت بݨاوݨ امریکہ اتے مغرب کوں افغان حکومت کوں مضبوط کرݨ تے زور ݙیندے پیوں ، انہاں آکھیے جو اساں خطے دے ٻئے ملکاں دے رلے طالبان حکومت کوں تسلیم کرݨ دا فیصلہ کریسوں ، یکطرفہ طور تے افغان حکومت کوں تسلیم نہ کریسوں ، انہاں آکھیے جو افغان طالبان نال ڳال کریندے پیوں او ٻئے گروپاں کوں وی رلے گھن تے ٹرن ۔
افغان حکومت کوں یکطرفہ طور تے کائناں منیسوں ، پاک بھارت تعلقات اچ نریندر مودی وݙی رکاوٹ ہن ، ، وفاقی وزیر اطلاعات چوہدری فواد حسین دا پریس کانفرنس توں خطاب
مضمون کا ماخذ : sorteos da loteria
متعلقہ مضامین
