اسلام آباد۔5اکتوبر(اے پی پی)وزیراعظم عمران خان دی زیر صدارت وفاقی کابینہ دا اجلاس اسلام آباد اچ تھئے۔ اجلاس جدید ڈیجیٹل ٹیکنالوجی اتے بہترین عالمی ضوابط دے مطابق مردم شماری کراوݨ سودھا بجلی دے سیزنل پیکیج دی منظوری ݙتی اے۔ اے ڳالھ وفاقی وزیر اطلاعات و نشریات چوہدری فواد حسین وفاقی کابینہ دے اجلاس دے بعد میڈیا بریفنگ اچ آکھی۔ انہاں آکھیا جو کابینہ 3 توں 13 ربیع الاول تئیں عشرہ رحمت اللعالمین مناوݨ دا فیصلہ کیتے، ایں سانڳے مختلف کیٹیگریز دے قیدیاں دی سزاواں اچ کمی کیتی ویسی۔ اجلاس اچ پینڈورا پیپرز تے بریفنگ تھئی جیندے اچ 700 توں ودھ پاکستانیاں دی مختلف کیٹیگریز ٻݨایاں ڳین، وزیراعظم انسپکشن کمیشن دے تحت ٻݨایا ڳیا سیل انہاں ساریاں آف شور کمپنیاں دی تفتیش کریسی، ایندے نال نال سارے ادارے ایف بی آر، ایف آئی اے اتے نیب وی اپݨا اپݨا کم کریسن۔ معاون خصوصی برائے نیشنل ہیلتھ سروسز ڈاکٹر فیصل سلطان میڈیکل کالجاں اچ داخلہ ٹیسٹ بارے بریفنگ ݙتی۔ انہاں آکھیا جو ݙاکٹری اچ رسک نئیں ڳھدا ونڄ سڳدا جو اے انسانی جان بچاوݨ دا معاملہ اے، ڈاکٹری ڈگری دے معیارات اعلیٰ ہووݨے چاہیدن، ایم ڈی کیٹ دا نواں فارمولا پورے ڄڳ اچ اے، وکیلاں آلی کار ایم بی بی ایس ڈگری دا وی ٹیسٹ ہوسی جو او ڈاکٹری کیتے فٹ اے یا کائنا، ایں سانڳے احتجاج کرِ نا مناسب اے جو ٹیسٹ وی نا ڳھنو۔ کابینہ ایس ای سی پی ریگولیشنز موجب میٹ لائف ایلیکو کمپنی کوں اپݨی وکری دا سرمایہ باہرو ٻھیڄݨ، ڈرگ (ریسرچ) رولز 1978ء دے تحت کمیٹی برائے ڈرگ ریسرچ اچ ماہرین لاوݨ، جان بچاوݨ آلیاں دوائیاں دی تشہیر کرݨ دی اجازت ݙتی اے۔ گھریلو صارفین کوں سیلاے اچ سوکھ ݙیوݨ کیتے گیس دے ملھ اچ رعایت کیتے کابینہ کمیٹی توانائی دی سفارشات تے نظرثانی کمیٹی ٻݨاوݨ دی منظوری ݙتی اے۔
وزیراعظم عمران خان دی زیر صدارت کابینہ اجلاس، جدید ڈیجیٹل ٹیکنالوجی اتے بہترین عالمی ضوابط دے مطابق مردم شماری کراوݨ، بجلی دے سیزنل پیکیج دی منظوری
مضمون کا ماخذ : قزاقوں کی کافی مقدار
متعلقہ مضامین
