شريفن ڪرپشن کي قابل قبول عمل بڻائي ڇڏيو آهي: فرخ حبيب

اسلام آباد – 14 جنوري (اي پي پي) اطلاعات ۽ نشريات واري مملڪتي وزير فرخ حبيب چيو آهي ته شريفن گذريل 30 سالن ۾ ڪرپشن کي هڪ قابل قبول عمل بڻائي ڇڏيو آهي، انهن جي نوڪرن ۽ چانهه وارن جي اڪائونٽس مان 16 ارب نڪرندا آهن، جنهن شخص 7 ارب ٽي ٽيز وسيلي گهرايا اهو وڏي ڀاءُ جو ضامن به آهي جيڪو 8 هفتا علاج جي لاءِ لنڊن ويو ۽ هن وقت تائين واپس ناهي آيو، تاريخ گواهه آهي ته اين آر او سدائين ملڪ کي نقصان پهچايو. اهڙن خيالن جو اظهار هن پي ٽي وي سان خصوصي ڳالهه ٻولهه دوران ڪيو. مملڪتي وزير چيو ته پرڏيهي پاڪستاني ملڪ جو قيمتي اثاثو آهن کين سهولتون فراهم ڪرڻ اسان جي اولين ترجيح آهي، هن چيو ته مختلف ملڪن ۾ رهندڙ 90 لک اوورسيز پاڪستانين جي لاءِ سمارٽ هائوسنگ پراجيڪٽ متعارف ڪرايو ويو آهي، اوورسيز پاڪستاني روشن ڊجيٽل اڪائونٽ جي ذريعي پنهنجو مٽاسٽا جو ناڻو پاڪستان موڪلي رهيا آهن جيڪي انهن جي اعتماد جو مظهر آهي ۽ اسٽيٽ بئنڪ به ان جي اعتماد تي پورو لهي رهي آهي. هن چيو ته انهي ويزن تحت سمارٽ هائوسنگ پراجيڪٽ جي ذريعي هائوسنگ اپارٽمينٽ جي سهولت فراهم ڪرڻ وڃي رهيو آهي جنهن جي ڪابينا منظوري به ڏئي ڇڏي آهي. هن چيو ته اهو روشن ڊجيٽل اڪائونٽس جي ذريعي پرڏيهي پاڪستاني ان سهولت مان فائدو کڻندا ۽ روشن ڊجيٽل اڪائونٽ هولڊر جائيداد جي خريداري لاءِ قرض به حاصل ڪري سگهن ٿا. هن چيو ته ان حوالي سان روشن ڊجيٽل اڪائونٽ هولڊرز کي سهولتن جي فراهمي جو عمل وڌيڪ تيز ڪيو ويو آهي. هن چيو ته نجي هائوسنگ منصوبن ۾ نجي بئنڪس ۾ به مقابلي جي فضا آهي ۽ هو ڀرپور حصو وٺي رهيا آهن، مملڪتي وزير فرخ حبيب چيو ته ٻاهرين ملڪ رهندڙ پاڪستانين جي خريداري جي قوت سٺي آهي، روشن ڊجيٽل اڪائونٽ جي ذريعي اوورسيز پاڪستاني، پاڪستان ۾ جائيداد خريد ڪري سگهن ٿا ۽ قرض به حاصل ڪري سگهن ٿا. هن چيو ته ان صحت انصاف ڪ ارڊ هڪ مڪمل يونيورسل هيلٿ ڪيئر پروگرام آهي جنهن ۾ دل جي مرض، ويم ۽ هر طرح جي سرجري سميت سمورن مرضن جي علاج جي سهولت ڏني وئي آهي، ان سهولت سان هڪ خاندان 10 لک روپين تائين جو علاج پنهنجي مرضي جي اسپتال مان ڪرائي سگهندو. فرخ حبيب چيو ته عوامي مفاد جي انهن منصوبن کي ڪير به رول بيڪ نٿو ڪري سگهي ڇو ته ان کي رول بيڪ ڪندو ته هو پاڻ رول بيڪ ٿي ويندو. مملڪتي وزير چيو ته شريفن گذريل 30 سالن ۾ ڪرپشن کي هڪ قابل قبول عمل بڻائي ڇڏيو آهي انهن جي نوڪرن ۽ چانهه وارن جي اڪائونٽس مان 16 ارب روپيا نڪرندا آهن، هن چيو ته جنهن شخص 7 ارب ٽي ٽيز وسيلي گهرايا اهو پنهنجي وڏي ڀاءُ جو ضامن به آهي، جيڪو 8 هفتن جي لاءِ علاج جي غرض سان لنڊن ويو ۽ هن وقت تائين واپس ناهي آيو، فرخ حبيب چيو ته تاريخ گواهه آهي ته اين آر او سدائين ملڪ کي نقصان پهچايو ۽ هر اين آر او جي قيمت پاڪستان جي عوام کي ادا ڪرڻي پئي.