اسلام آباد – 11 – مارچ (اي پي پي) سينيٽ چيئرمين محمد صادق سنجراڻي سان جاپان جي سفير متسو هيرو واڊا پارليامينٽ هائوس ۾ ملاقات ڪئي، سينيٽ سيڪريٽريٽ موجب ملاقات ۾ ٻطرفي لاڳاپن سميت گڏيل دلچسپي جي معاملن تي خيالن جي ڏي وٺ ڪئي وئي. سينيٽ چيئرمين چيو ته ايشيا ۾ هڪ انتهائي اهم ملڪ جي طور تي پاڪستان جاپان سان پنهنجي لاڳاپن کي تمام وڏي اهميت ڏي ٿو. جاپان هڪ مستحڪم معاشي ملڪ آهي ۽ اسان جاپان جي بهتر معاشي ماڊل جي تقليد ڪرڻ جا خواهشمند آهيون، سينيٽ چيئرمين ڪووڊ – 19 کي منهن ڏيڻ لاءِ جاپان لاءِ نيڪ خواهشن جو اظهار ڪيو، سينيٽ چيئرمين ٻطرفي لاڳاپا وڌيڪ مضبوط بڻائڻ لاءِ مڪمل تعاون جي خاطري ڪرائي. سينيٽ چيئرمين ۽ جاپاني سفير ٻنهي ملڪن جي وچ ۾ ٻطرفي اقتصادي تعاون کي وڌيڪ سگهه ڏيڻ جي ضرورت تي زور ڏنو
مضمون کا ماخذ : آن لائن لاٹری
