اسلام آباد – 25 – جولائي (اي پي پي) وزيراعظم محمد شهباز شريف بلوچستان جي هوشاب ضلعي ۾ پاڪ فوج جي دهشتگردن جي خلاف ڪامياب آپريشن جي پذيرائي ڪندي چيو آهي ته پاڪستان کي دهشتگردي کان پاڪ ڪرڻ جي لاءِ پوري قوم پاڪ فوج سان گڏ بيٺل آهي. وزيراعظم آفيس جي ميڊيا ونگ پاران جاري بيان موجب وزيراعظم محمد شهباز شريف چيو ته پاڪ فوج جي جوانن ڪاميابي سان آپريشن ڪري دهشتگردن کي ماريو. پاڪ فوج جا آفيسر ۽ جوان ملڪ کي دهشتگردي جي لعنت کان پاڪ ڪرڻ جي لاءِ ڏينهن رات ڪوششون ڪري رهيا آهن. وزيراعظم چيو ته مون سميت پوري قوم کي پاڪ فوج تي فخر آهي، پاڪستان کي دهشتگردي کان پاڪ ڪرڻ جي لاءِ پوري قوم پاڪ فوج سان گڏ بيٺل آهي.
مضمون کا ماخذ : ایشیا ڈریگن
