اسلام آباد – 02 اپريل (اي پي پي) هوابازي واري وفاقي وزير غلام سرور خان قومي اسيمبلي کي ٻڌايو آهي ته نيويارڪ ۾ روز ويلٽ جا مالڪاڻا حقن پي آءِ اي جي ذيلي ڪمپني وٽ آهن. قومي اسيمبلي ۾ سوالن واري وقفي دوران طاهره اورنگزيب جي سوال تي غلام سرور خان ايوان کي ٻڌايو ته روز ويلٽ جا مالڪاڻا حق پي آءِ اي جي ذيلي ڪمپني وٽ آهن، ڪووڊ جي ڪري مين هيٽن جا 80 سيڪڙو هوٽل بند آهن، ان ۾ روز ويلٽ به شامل آهي، جئه پرڪاش جي سوال تي هن چيو ته ٽورنٽو لاءِ اڏامون 5 کان گهٽ ڪري 2 ڪيون ويون آهن، اهو ڪووڊ جي ڪري آهي، پي آءِ اي 2 فلائيٽس ڏئي رهي آهي، جيئن ئي لوڊ ۾ اضافو ٿيندو اڏامن جي تعداد ۾ اضافو ڪيو ويندو.
مضمون کا ماخذ : پاور بال جیتنے کے طریقے
