اسلام آباد۔17دسمبر (اے پی پی) سعودی عرب دی شوریٰ کونسل دے چیئرمین ڈاکٹر ??بد??للہ بن محمد بن ابراہیم الشیخ اعلیٰ سطحی پارلیمانی وفد دے رلے اسلام آباد پڄ ڳئن۔ سپیکر قومی اسمبلی سردار ایاز صادق ایئرپورٹ تے معزز مزمان دا استقبال کیتا۔ ایں موقع تے ٻالاں شوریٰ کونسل دے چیئرمین کوں گلدستہ پیش کیتا۔ سپیکر قومی اسمبلی سردار ایاز صادق آکھیا جو تساݙے دورہ پاکستان تے ٻہوں خوشی تھئی اے۔ پاکستان سعودی عرب نال آپݨے پراݨے برادرانہ تعلقات کوں قدر نال ݙیکھدے۔ ݙوہیں ملک ہر اوکھ اچ ہک ݙوجھے نال کھڑن۔ سردار ایاز صادق آکھیاجو سعودی عرب دی شوریٰ کونسل دے چیئرمین دا دورہ پاکستان ݙوپاسہ پارلیمانی رابطے ودھاوݨ بارے اہم ثابت تھیسی۔ چیئرمین سعودی مجلس شوریٰ کونسل آکھیا جو پاکستان دا دورہ کر تے ٻہوں خوشی تھئی اے۔ پرتپاک استقبال تے سپیکر قومی اسمبلی دا شکریہ ادا کرینداں۔ سعودی شوریٰ کونسل دے چیئرمین ڈاکٹر ??بد??لله بن محمّد بن ابراہیم الشیخ، سپیکر قومی اسمبلی سردار ایاز صادق دی دعوت تے پاکستان دا دورہ کریندے پئ??۔ سعودی شوریٰ کونسل دے چیئرمین پاکستان اچ رہندیں ہوئیں سپیکر قومی اسمبلی دے علاوہ صد?? مملکت، وزیراعظم پاکستان، چیئرمین سینیٹ اتے ٻئے سیاسی رہنماواں نال اںج انڄ ملاقاتاں کریسن۔
سعودی عرب دی شوریٰ کونسل دے چیئرمین ڈاکٹر عبداللہ بن محمد بن ابراہیم الشیخ اعلیٰ سطحی پارلیمانی وفد دے رلے اسلام آباد پڄ ڳئے
مضمون کا ماخذ : جادوئی اسپن
متعلقہ مضامین
